Superyacht Academy miabli sa Sugbo
Ania na sa dakbayan sa Sugbo ang nag-inusarang training center sa yachting industry sa nasod.
Ang Superyacht Academy in Asia and the Pacific diin nagtanyag og nagkadaiyang training alang sa yachting industry mao lang ang nag-inusarang accredited sa International Yacht Training (IYT) nga mohimo og training aron makakuha og IYT certificate.
Kini nga certificate mao ang magamit sa nagkadaiyang marine professionals aron ma-
kakuha sila og trabaho sa maong industriya og makaangkon og dagkong suweldo.
Matod sa CEO/President sa Superyacht Academy, Jead Advincula nga dihang natungha pa siya sa iyang kurso nga subay sa Maritime Industry, wala siya mahibawo niining yachting.
Dihang nakasinati siya niini didto na nga nadiskobrehan niya nga mas dako kini og tanyag nga sweldo itanda sa commercial ug cargo nga mao ang kasagaran sakyan sa mga seaman.
Ang Superyacht Academy in Asia and the Pacific anaa mahimutang sa rooms 415
ug 416 sa Sugbutel sa North Reclamation Area, dakbayan sa Sugbo.
Pormal kini nga gilusad niadtong Hunyo 2017 diin daghan na usab silang trainees nga nigradwar ug nakakuha na og certificate.
Tungod kay entry ug desk level ang ilahang gitudlo, nag-arkila usab sila og yate mismo dinhi sa Sugbo sa Cebu Yacht Club aron handson ang ilang mga estudyante sa pagtuon sa trabaho.
Gawas sa anaa na kini sa Sugbo, mas barato kini itandi sa ubang Superyacht Training Centers nga atua sa ubang nasod nahimotang.