AWOL NGA PULIS, TIPI
TAGA BOHOL, GIPUSIL SA PUNTA PRINSESA
Gisubay karon sa kapulisan kon unsay motibo sa pagpusil-patay kang PO3 Ben Serohijos kagahapon sa kaadlawon sa Zodiac Drive, Pleasant Homes Subdivision, Barangay Punta Princesa, dakbayan sa Sugbo. Ang 44-anyos nga pulis kinsa kaniadto nadestino sa police station sa lungsod sa Loay, Bohol ug nasayran nga nag-absent without leave (AWOL) dihang wala na kini mo-report sa iyang bag-ong assignment sa
Autonomous Region of Muslim Mindanao (ARMM).
Pasado ala 1:00 sa kaadlawon kagahapon, gipusil si Serohijos nga nakaangkon og tulo ka samad pinusilan sa iyang ulo gamit ang kalibre .45.
Wala pa mailhi ang nagpatay niini.
Nasayran sa imbestigasyon sa Homicide Section sa Cebu
City Police Office (CCPO) pinaagi kang SPO1 Winston Magdadaro nga aduna’y gamay nga pakete ang nakuha sa iyang pitaka lakip na ang identification cards.
Duha ka ID ang nakita nga aduna’y ranggo nga PO3 ug SPO1 apan, ang PO3 ra nga ID ang gikompirmar sa kapulisan.
Gikompirmar usab sa Assault Security Agency nga naka base sa Sugbo nga epektibo niadtong Nobiyembre 30 sa nakalabay nga tuig nga nahimong empleyado nila si Serohijos.
Siya ang security supervisor nga kasamtangan nga gidestino sa Pleasant Homes Subdivision.
Apan ang nahibulngan sa kapulisan kon nganong nagroving kini nga dili man kini parte sa iyang trabaho.
Padayon ang imbestigasyon sa kapulisan kabahin sa maong krimen. /