5 TIPS NGA LUWAS UG PRESKO ANG PAGKAON KARONG SUMMER

Ang panahon sa tinginit nga dali ra nga mokatag ang kagaw. Mao kini ang gusto sa mga microorganisms ug ang ting-init sad nga panahon mao ang gusto kaayo mokaon ang tawo og hilaw ug bugnaw nga pagkaon.

Kon mabilin ang pagkaon sa room temperature og dugay, mao na ni ang hinungdan nga mokatag ang kagaw hinungdan usab nga moresulta kini sa pagkapan-os niini.

Ania’y lima ka tips aton pabilin nga presko ang pagkaon karong summer.

1.Ibutang sa saktong dapit ang mga pagkaon aron dili dali

madaot. Importante nga ibutang nimo sa saktong lugar, saktong butanganan ang imong pakaon.

Siguradoa nga dili kini masudlan og hangin ug kon kinahanglan sa uga kini ibutang itapok kini, kon kinahanglan sa ref, ibutang sa ref.

2.Ang karne sa freezer na.

Kon dili pa gani gamiton/ lutuon ang karne, i-frozen kini. Pwede ra gyud ni nimo pahilison kon gamiton na nimo.

Gamay lang ang karne nga palita aron dili dali madaot ug mo-contaminate.

Mamahimo usab nga sa pinakaubos ibutang ang karne aron dili kini magtulo, kana kon bugnaw kaayo ang ref.

3.Ibutang sa airtight nga tupperware ang bugas, cereals.

Kahibaw ba ka nga makasulod gihapon ang ensekto sa mga box nga gisudlan sa nagkadaiyang pagkaon sa grocery store?

Ilaha nang kaunon ang glue nagpilit sa box aron makasulod sila.

Ibuwad sa init ang grains o bugas sulod sa usa ka oras, pabugnawa, isulod sa airtight nga tupperware dayon ibutang sa usa ka lugar.

4.Iplastar sa una ang daan nga supply.

Aron mao’y mauna og gamit. Kana kon hilig ka og stock. Ibutang sa luyo ang bag-o nimo nga pinalit aron sa atubangan ang daan nga stocks.

5.Panghugas sa kamot bag-o mokaon.

Mao ni ang labing importante na tip bag-o mokaon. Panghunaw gyud sa imong kamot hilabi na sa panahon sa ting-init nga grabe ang abog ug singot.

Kon magbiyahe, ayaw kalimot nga hugasi daan ang utanon, prutas bag-o ni i-butang sa tupperware. / asianinspirations. com.au