SPURS GIBUNGOG SA OKC THUNDER

Girehistro ni Russell Westbrook ang iyang ika-19 nga triple-double sa conference

aron pangulohan ang host Oklahoma City Thunder sa pagbuntog sa San Antonio Spurs, 104-94, kagahapon sa National Basketball Association (NBA).

Ang kasamtangang MVP nagpakatap og 21 puntos, 12 rebounds ug 10 assists. Sa kinatibuk-an, kini maoy ika98 nga triple-double nga nahimo ni Westbrook.

Ninglanog na sab ang abiba nga M-V-P sa balwarte sa Thunder apan ning higayuna, dili kini alang kang Westbrook kon dili alang sa 37 anyos nga beteranong si Nick Collison.

Si Collison, kinsa maoy labing paborito sa mga sumosunod sa Thunder gumikan kay naa na kini sa team sukad sa ilang pagtapon gikan sa Seattle Supersonics, mikawat og dakong atensyon.

Naahat ang Thunder sa pagpasulod kang Collison human naangol ang ilang starting center nga si Steven Adams sa 3rd quarter ug wala na kini nakabalik og duwa.

Misulod si Collison sa labing unang higayon sa 4th quarter ug wala niya usiki ang talagsaong kahigayunan diin nimugna siya og pito ka mga puntos aron tabangan ang Thunder.

“Sometimes, I feel like the walk-on in college games,” matod ni Collison.

Nalipay si Westbrook nga napamatud-an ni Collison nga aduna lang gihapon kini ikabuga bisan sa iyang pangidaron.

“He puts in the work and he’s always ready to go,” matod ni Westbrook. “Tonight was one of those nights where he got his number called and he answered like he does every time. It’s a blessing to be on the floor with a guy like him. He’s so unselfish.”

Sa laing mga duwa, ningdaog ang Charlotte Hornets batok sa Phoenix Suns, 122115, Miami Heat batok Washington Wizards, 129-102, Dallas Mavericks batok Memphis Grizzlies, 114-80, ug LA Clippers batok Orlando Magic, 113-105.