ABELLA PABILING HARA SA AWUM

Bisan sa kalisod sa rota, si Lizane Abella nakamugna gihapon og rekord sa iyang paglangkat sa ikaduha niyang sunodsunod nga titulo sa 2018 All Women’s Ultramarathon (Awum) kagahapon sa Cebu Provincial Capitol grounds.

Ang sakop sa Spectrum Runners Club mihuman sa 50 kilometros nga lumba sulod sa upat ka mga oras, 21 ka mga minujtos ug upat ka mga segundos. Gibuak ni Abella ang kaugalingon niyang rekord sa miaging tuig nga 4:30:32.

Nagsunod kang Abella mao si Stephanie Marie Jayson sa Paksit-Lasang, kinsa mitali og 4:32:29, samtang naa sa ikatulo ang laing sakop sa Spec-

trum Runners Club nga si Sandra Soliano, kinsa mirehistro og 4:54:10.

“Sakit ang route (this year) because there are a lot of uphills. But I enjoyed the race despite the challenge,” matod ni Abella sa interbyu sa Sun.Star Cebu, igsuong buhatan ning mantalaan.

Kini maoy ikatulong mayorihiyang titulo ni Abella sa miaging tulo ka mga buwan human sa iyang kadaugan sa 2018 Cebu Marathon niadtong Enero ug 7-Eleven Run Philippines Cebu Leg niadtong Pebrero.

Si Kay Razel Cundagan sa Paksit Photos nahiluna sa ikaupat pinaagi sa oras nga 4:59:56 samtang ikalima si Elynn Mira sa Spectrum Runners Dumaguete sa oras nga 5:00:29.

Mokompleto sa Top 10 mao sila si Ivy Christine Muscosa (5:09:59), Marivic Mari (5:13:31) of Team ADR, Wilma Theresa Lugay (5:14:54) of Oval Runners, Preciosa Russell Sanchez (5:14:58) ug Leonora Villamor (5:23:37).

Ang lumba, nga alang lang sa babayeng runners, nagsugod niadtong Sabado sa alas 10:00 ang takna sa gabii unya nahuman kagahapon sa buntag. Tipik kini sa kasaulogan sa Women’s Month.

ARNI ACLAO NANGANDAM. Sa ibabawng hulagway, wa palabya sa mga partisipante ang kahigayonan sa pagpahulagway pipila ka minutos sa wala pa sugdi ang All Women Ultra Marathon 2018 nga gisugdan niadtong Sabado ug natapos kagahapon diha sa Capitol grounds Samtang sa...