■HUMAN SA SUNOG.
Mao kini ang talan-awon sa Tamiya, Barangay Basak, Dakbayan sa Lapu-Lapu human sa sunog niadtong Martes sa hapon, diin 270 ka mga balay ang nangaugdaw. Unsa may sinugdanan sa kayo?
Tugotan na sa kagamhanan sa dakbayan sa Mandaue ang pagsul-ob og surgical mask sa tanang mga magmotor sa dakbayan, apan pabiling gidili ang pagsul-ob sa balaclava/bonnet ug ski mask.
Matod ni Bise Mayor Carlo Fortuna, paubsan sad sa Dakbayan ang multa sa mga nagmotor nga masakpang mag-bonnet/balaclava.
Gikan sa P5,000, himuon na lang kini nga P500.
Kini maoy pipila lang sa mga amendahon nga probisyon sa konseho sa dakbayan kalabot sa kontrobersyal nga ordinansa 14-2017-1251 nga nagdili sa mga motorista nga magtaptap sa ilang nawong kon magmotor sa kadalanan sa Mandaue. Ubos sa draft ordinance no.
32-2018 nga gi-aprobahan sa unang pagbasa sa konseho kagahapon, ubsan gikan sa P5,000 ngadto sa P500 nalang ang mabayran sa motorista nga madakpan.
Motaas ngadto sa P1,000 sa ikaduhang kalapasan ug P1,500 sa ikatulo. “Regardless of whether you are in good health or not, tanang (hingkod nga) lake nga drayber
ug pasahero, ang ilang pwede gamiton kanang surgical mask.
Pero kanang mga babaye ug mga bata, okay ra na any type of face mask, that’s ok. For all genders,
di gyud pwede ang balaclava/ski
mask,” matod ni Fortuna. Ang mga gidili nga gisaysay ni Fortuna makita sa section 3 sa draft ordinance nga gipangamahanan sa bise mayor, Konsehal Nilo Seno ug Konsehal Carmelino Del Mar Jr.
Padayag niya nga wa na sab nila gilakip ang mga traysikol drayber nga dakpon.
“The tricycle drivers are already excluded kay ang mga riding-in-tandem man gud, di man magsakay og traysikol, magmotor man,” ni Fortuna.
Giklaro ni Fortuna nga bisan wa pa mapasar sa ikatulo ug katapusang pagbasa sa konseho ang mga gihimong pag-amendar sa ordinansa apan mao na kini ang ilang gipatuman sukad kagahapon.
Ang Traffic Enforcement Agency of Mandaue (TEAM) ug kapulisan sa dakbayan ang adunay otoridad sa pagpatuman ug pagdakop sa molapas sa ordinansa.
Sumala ni Fortuna nga sensitibo ang Dakbayan sa mga yangungo ug reklamo sa mga apektadong motorista maong nimando si Mayor Luigi Quisumbing alang sa paghimo og technical working group sa pagtutok unya sa kausaban sa ordinansa.
Niadtong Martes ang TWG nga gilangkuban sa TEAM, MCPO, City Legal Office inubanan sa nangamahan, opisyal nagtigum aron mahisgutan ang mga usbonon sa balaudnon.
Si Fortuna nagkanayon nga makighimamat sab siya sa city
treasurer ug Commission on Audit (COA) sa dakbayan aron hisgutan ang posibleng refund niadtong kapin sa 500 ka mga dinakpang sa unang semana sa implementasyon ug striktong pagpanakop sa maong ordinansa. /