DOJ NABISTO: OSMEñA

Gihulagway ni Cebu City Mayor Tomas Osmeña nga napagya na ang binuang sa Department of Justice (DOJ) gumikan sa ilang pagbakwi sa ilang nahiunang desisyon pagpakawalaysala nila ni Peter Lim, Kerwin Espinosa ug laing 18 ka mga gipasanginlan nga druglord. Si Osmeña nahimong kritiko

sa pagdumala ni Secretary Vitaliano Aguirre sa DOJ gumikan sa gipangluwatan niining mga desisyon ilabi na sa mga kaso nga iyang gipangsang-at.

“Aha! Sakpan gyud! Nabisto! That shows you they were wrong,” matod sa mayor human gikansela ni Aguirre ang resolution sa prosecutor nga maoy nagdumala sa kaso nga gikalambigitan usab ni Peter Co kinsa nabilanggo sa Bilibid.

Subling gipadayag ni Osmeña nga layo pa og maabtan ang administrasyon ni Presidente Rodrigo Duterte kinsa iyang gidayeg gumikan sa pagpakigbatok niini gidiling drugas.

Matod ni Osmeña nga wa na siya nasayod kon unsa na ang gidangatan sa nasod kon lain pa ang nahimong presidente gumikan sa pagkuyanap sa illegal drugs.

Ang mayor wa usab mahulga sa gipasiatab ni Aguirre nga mopasaka siya og kaso batok ni Osmeña gumikan sa pasangil sa mayor nga siya usa ka kurakot nga opisyal ug nidawat suborno. “He is entitled to make a fool

out of himself,” batbat sa may- or kinsa naglaraw nga mopasaka og kasong disbarment batok sa Justice Secretary.

Si Aguirre sa iyang bahin naglaraw usab nga mopasaka og kaso batok ni Osmeña gumikan sa pasangil sa mayor nga usa ka kurakot nga opisyal ang pangulo sa DOJ.

“The problem with Mayor Osmeña, he persistently says, ‘I am sure, Secretary Aguirre is accepting grease money.’ Where is his evidence? I will file a case against him,” matod ni Aguirre nga napatik sa SunStar Philippines.