Mga Pinoy pabor sa diborsiyo
Ang labing ulahing survey sa Social Weather Stations (SWS) nagpakita nga 53 porsento sa mga Pilipino pabor nga himuong legal ang diborsiyo dinhi sa Pilipinas, samtang 32 porsento ang supak niini.
Ang nationwide survey nga gihimo gikan sa Disyembre 8 ngadto sa 16, 2017, nagpakita usab nga 15 porsento ang undecided, wa pa makahukom kon uyon ba o dili nga himuong legal ang diborsiyo.
Apan ang kadaghanan sa mga respondents sa survey nag-ingon nga kadtong mga magtiayon nga kasado apan nagkabuwag na ug di na magkauli kinahanglan nga hatagan sa kahigayonan nga magdiborsiyo aron makaminyo pag-usab.
Ang maong survey nagpakita nga nagkadaghan ang nipaluyo sa paghimong legal sa diborsiyo. Sa unang survey nga gihimo sa SWS bahin niini niadtong 2005, 43 porsento lang ang uyon, 45 porsento ang supak ug 12 porsento and undecided.
Ang divorce bill (House Bill 7303) giaprobahan na sa ikatulo ug katapusang pagbasa sa House of Representatives niadtong Lunes sa boto nga 134 pabor niini, 57 ang supak ug duha ang ni-abstain o wa mobotar.
Apan si Presidential Spokesperson Harry Roque niingon nga supak si Presidente Rodrigo Duterte sa pagpasar sa divorce bill. Matod pa ni Roque, maluoy ang Presidente sa dangatan unya sa mga anak ug mga asawa human sa diborsiyo. Sa unahan ang Presidente niingon nga iyang itugyan ang pagpasar sa divorce bill ngadto sa Kongresso. Apan siya baya ang katapusang mo-aprobar niini.
Ang Pilipinas ug ang Vatican na lang ang way balaod sa diborsiyo. Si Kongresista Edcel Lagman sa Albay niingon nga way probisyon sa 1987 Constitution nga nagdili sa diborsiyo. Gawas pa matod niya, “No rule or doctrine is cast in stone as to be immune from exceptions.”
Samtang ang estado nanalipod ug nagpreserbar sa kaminyuon, obligado usab kini sa pagpanalipod niadtong magtiayon kansang kaminyuon nasiak ug nagusbat ug di na mauli pa, matod pa ni Lagman.
Ang supak sa diborsiyo moingon nga kadtong gihiusa sa Diyos, di mahimong bulagon sa tawo. Samtang kadtong uyon sa diborsiyo moingon sab nga kadtong gibulag sa Diyos, di mahimong hiusahon sa tawo.
Bisan wa pa ang diborsiyo, adunay pamaagi sa legal nga pagputol sa talikala sa kaminyuon. Mao kini ang gastuso, makuti ug hataas nga pagpaanular sa kaminyuon. Si Speaker Pantaleon Alvarez, usa sa nangusog sa pagpasar sa absolute divorce bill, niingon nga naanular ang iyang unang kaminyuon sa gasto nga usa ka milyon ka pesos.
Si Alvarez niingon nga ubos sa absolute divorce bill, exempted ang mga kabus sa pagbayad og mga legal fees. Lakip sa sukaranan sa diborsiyo mao ang domestic violence o ang pagpamun-og, pagsuway sa usa sa magtiayon sa pagpasud sa iyang kapikas sa prostitution ug irreconcilable differences, di magkasinabot.
In the meantime, the motion for reconsideration filed by the CIDG is rendered moot. There’s no dismissal already. The case is now wide open for the submission of all evidence.”
DOJ Secretary Vitaliano Aguirre II
Boracay, he (Año) thinks, will take a little bit longer. And I answered him, I told him, “General, you’re there, I placed you there. Whatever is your decision, I will support you. It’s up to you. You just make the recommendation.”
- President Rodrigo Duterte