Kaso ni Boniel gibasura

Ang Department of Justice (DOJ) mibasura sa kasong kriminal batok kang Bohol Provincial Board Member Niño Rey Boniel ug mga kauban tungod lang sa “jurisdictional issue.”

Si Reynante Orceo, DOJ undersecretary, niaprobar sa petition for review nga gipasaka ni Boniel, kinsa nagtinguha nga baliktaron ang resolution sa Office of the Lapu-Lapu City Prosecutor, nga nagkiha kaniya og parricide.

Si Orceo ni “reversed and set aside” sa resolution nga nagkiha kang Boniel og parricide ug nimando sa Lapu-Lapu City Prosecutor’s Office sa pagsibog sa kasong parricide charge sheet, nga gi-raffle sa sala ni Judge Ferdinand Collantes, sa Regional Trial Court branch 65 sa Lapu-Lapu City.

Gawas kang Boniel, si Orceo nimando usab sa mga prosecutors sa pagsibog sa kasong murder batok sa mga kauban ni Boniel nga sila si Willy Hoylar ug Restituto Magoncia.

“To go on with their trial borders on the ludicrous sans the alleged main actor,” matod ni Orceo sa iyang 12-ka pahina nga resolution.

Nadawat sa Lapu-Lapu City Prosecutor’s Office ang resolution sa DOJ niadtong Marso 23 ug gihatagan sila og hangtod sa Abril 2 sa pagtuman sa mando.

Ang prosecution panel, pinangulohan ni lawyer Amando Virgil Ligutan, mopasaka og motion for reconsideration.

Si Boniel ug mga kauban gipasakaan og kaso nunot sa kamatayon ni Bien Unido Mayor Gisela Boniel niadtong Hunyo 7, 2017.

Wa makaplagi ang lawas ni Gisela, asawa ni Niño, human giingong gitambog sa kadagatan sa dakbayan sa Lapu-Lapu.

Ang pamilya ni Gisela “utterly frustrated” kun nasagmuyo og maayo sa resolution sa DOJ.

Si Ligutan nikonsiderar sa hukom sa DOJ nga “temporary setback.”

Masaligon silang mabakwi ra ang hukom sa DOJ.