43 ka paresan gikasal sa mass wedding sa Mingla

Kagamhanan sa lungsod sa Minglanilla mihimog mass wedding sa 43 ka paresan nga nagpuyo-puyo nga gidungan sa adlaw nga natawhan ni Mayor Elanito Peña.

Matod sa mayor, nga katulo na kini ka higayun nga nihatag sila og libreng kasal sa ilang mga konstituwente.

Nagkanayon si Peña lisod alang sa nagpuyo nga wala magpakasal sanglit wa kini bendisyon sa kahitas-an.

Sa maong paagi, makatabang siya sa iyang mga konstitwente nga makasal nga libre.

Si Peña niingon nga libre kini nga kasal, ang ila lang mao ang pagduso og dokumento alang sa requirements.

Kini tungod kay libre bisan pa gani ang pagkaon human sa kasal, diin aduna usab silay gihatag nga regalo matag pamilya.

Si Concordio Mejias, municipal administrator, nibutyag nga hiniusa kini nga programa sa buhatan ni Mayor Peña ug sa local civil registrar.

Matod niini nga moabot sa P200,000 ang nagasto sa lungsod sa maong programa.

Si Rosalinda, 65, ug si Victor Artajo, 60, nipahibawo nga lahi ra nga mahatagan og bendisyon gikan sa kahitas-an ang ilang pagpuyo.

Sila nalipay nga aduna’y ingon ani nga proyekto ang gobyerno alang nilang mga kabus.