Sabotsabot sa kalinaw?

Pipila na ka presidente ang nanglabay ug hangtod karon, ang rebelyong komunista gisagubang sa matag administrasyon sa nasod. Mao gihapon kini ang sitwasyon - walay klaro. Hunong balik ang sabotsabot. Paherong moakusar ang matag habig nga dunay pagsabotahe. Apan nasayod ka ba kon unsa kamahal ang maong sabotsabot? Hunahunaa lang kini, didto sa The Netherlands ipahigayon human ang sosyalistatang nasod nisanong nga mopatunga sa panagsabot sa kalinaw, apan nagpadayog gubot pa sa lukot tungod sa managlaing interes ug panglataw sa pagdumala sa kagamhanan.

Sa habig sa mga komunista nga gipangunahan sa ilang prente nga National Democratic Front of the Philippines (NDFP), paborable human ang lliderato sa kahupongan tua nagpuyo nga exile sa maong nasod. Atua sa mabugawng dapit nagpuyo ang mga lider apan, ang mga gerilyang New People’s Army (NPA) naa sa makaluluoy nga kahimtang sa kabukiran.

Niadtong Nobiyembre 23 sa miaging tuig, si Presidente Rodrigo Duterte nilagda og Proclamation No. 360 nga nagputol na sa peace negotiations tali sa kagamhanan ug NDFP, duha na lang ka adlaw sa dili pa ang Fifth Round sa formal talks nga gikatakda unta niadtong Nobiyembre 25-27 sa Oslo, Norway.

Nasagmuyo si Duterte tungod sa pagpangataki sa NPA taliwala sa pagpatuman nga ceasefire tungod sa sabotsabot sa kalinaw. Karon, kapin sa 60 ka mga magbabalaud ang ninglagda og resolusyon nga nag-awhag sa kagamhanan sa pagbalik sa sabotsabot sa kalinaw tali sa NDFP.

Maklaro nga dunay hilom nga pag-lobby sa mga magbabalaud aron mohimo sa maong baroganan. Hinuon, ang uban impluwensiya usab sa idiyolohiya.

Ikaw pabor ba sa pagbalik sa sabotsabot sa kalinaw sa kagamhan ug rebeldeng komunista? Mas maayong pahugtan pa ang posisyon sa kagamhanan aron dili mahimong maoy kataw-anan.