SMC-SAC Sports awards sa Robinson's Galleria karon
Upat ka mga Sugbuanon nga nagtabang sa paugnat sa kusog sa Sugbo luyo sa mga senaryo ang hatagan og rekognasyon sa 36th Sportswriters Association of Cebu-San Miguel Beer Sports Awards nga sugdan karong adlawa sa alas 2:00 ang takna sa hapon sa Robinsons Galleria.
Sila si Rhoel Dejano ug Tony San Juan, kinsa parehong mga doktor nga nakatambal na sa ubang dekalidad nga atleta sa Sugbo, mao ang hatagan sa Orlacsan Award, nga gipangalan sa mipanaw na ug kanhi SunStar Cebu sports editor, kinsa naila sa iyang pagkamaginghatagon.
Si Rico Ramirez, kinsa nakatabang sa pagtukod sa Kamagayan Football Club, maoy Presidential Awardee samtang si Jean Henri Lhuillier, kinsa maoy chief backer sa Philippine tennis ug softball, maoy Sportsman of the Year awardee.
Ang Kamagayan Football Club, nga natukod tulo na ka mga tuig ang nakalabay, hinayhinay nga nakausab sa kinabuhi sa uyamot nga mga bata sa maong barangay pinaagi sa paugnat sa kusog.
Ang community-based club nakadasig sa mga bata nga padayon sa pagtungha ug molikay sa dili maayong mga gimbuhaton.
Dili pa lang dugay, ang club misalmot sa Thirsty Cup apan napilde lang sa knockout stage batok sa team nga nahimong kampiyon sa torneyo.
“Some of the kids, unfortunately don’t have NSO certificates or weren’t registered, so getting the proper papers is always difficult to them. But what is amazing with the Kamagayan Football Club is that it’s not only the parents or players who are involved but the community and the club has become a source of pride for them,” asoy ni outgoing SAC president Mike T. Limpag.
“What is also commendable is that the club doesn’t envision to transform these kids to be the next Phil Younghusband but aims to make the team and the players the bearer of hope and optimism to the community and their families.”
Sa iyang bahin, si Lhuillier pasidunggan gumikan sa iyang natampo sa softball ug tennis sa ninglabayng katuigan. Ang Cebuano sportsman nagsuporta og mayorihiyang multi-legged age group tennis tournaments sa nagkadaiyang dapit sa nasod gawas sa pagtabang niini sa national tennis teams.
Gisuportahan sab ni Lhuillier ang national softball team sa tinguha niining maka-qualify sa 2020 Olympics.
“Tennis and softball are two sports that don’t get much support in Cebu or nationally, yet these two have thrived thanks to Mr. Lhuillier. We have Cebuanos who have become of the junior Davis Cup teams and in softball, we’ve had national champions and Cebuanos who have become part of the senior national teams,” matod ni Limpag.
Ang upat nga nangahisgutan makig-uban sa Sugbuanong mga atleta nga pasidunggan sab sama nila ni boxing legend Donnie Nietes, Olympian Mary Joy Tabal, PBA star June Mar Fajardo, billiard queen Rubylen Amit ug uban pa.
“We the sportswriters have seen our Cebuano stars campaign first hand, we know how good they are. This is the chance for the Cebuano fans to see them in person, so I am inviting all sports enthusiasts to join us as Cebu’s best athletes are honored by the people who write about them,” ni Limpag.