2 HITMEN NADAKPAN
GIBAYRAN OG P45 MIL TUNGOD SA BULILYASO SA GIDILING DRUGAS
Ang mga nadakpan wala una nganli sa kapulisan nga nagpangidaron pa og 17 ug 18 anyos ug taga Sitio Bato, Barangay Ermita, siyudad sa Sugbo.
Ning-angkon sila sa kapulisan nga gibayran og P45,000 aron patyon si Tañojara.
Matod ni SPO1 Winston Ybañez nga dunay importanteng gipangtug-an kanila ang duha ka mga suspek ug matawag na sila nga hitman sa usa ka drug
personality nga ilang silingan kaniadto apan giingong mibalhin nag puyo sa Mindanao.
Tinguha nila karon nga madakpan ang mastermind ug mapasakaan og kaso samtang ang duha ka suspek ilang pakuhaan ug pinanumpaang pamahayag.
“Mi-surrender ni sila pag-abot nato sa ilang balay, naa ni silay gipang tug-an pero sa pagkakaron dili lang nato i-divulge pakuhaan sa nato silag statement. Posibling drug related ni,” matod ni SPO1 Winston Ybañez.
Nakuha usab sa Homicide ang duha ka armas nga pulos kalibre 45 nga gitakdang ipaubos sa ballestic examination ug cross matching sa mga kaso sa pusil nga nahitabo sa syudad sa Sugbo.
Ang back-rider nga 18 anyos giingong maoy nagpusil kang Tañojara nikompirmar nga gibayran sila og P45,000 sa maong pagpamusil ug gibahin nila sa iyang drayber nga menor de edad.
Dugang niya nga human sila tawgi sa ilang gitawag nga
'boss', giplanohan dayon nila ang pagpatay sa biktima sud sa duha ka adlaw.
Silang Tañajora ug ang duha ka mga suspek giingong managkaila na sanglit silingan sila kaniadto sa wala pa masunog ang Bato, Ermita. “Nagplano mi, among gi
survey duha ka adlaw pero na timing man gahapon nga nakit-an namo siya mao to amo nalang gitirahan, ang sugo sa amoa tirahon siya kay nanambling man ba, abosado kusog manabla,” matod sa 18 anyos nga hitman.
Ang drayber sa motor nga 17 anyos giingong nakapatay na diin ang iyang kaugalingong amahan ang iyang napusilan ug laing pagpamusil duol sa City Hall diin siya usab ang miangkon nga nipusil. /