PROBLEMA SA TRAFFIC ADUNA NAY SULBAD
Nag-abot ang mga traffic manager sa primero distrito sa lalawigan sa Sugbo kagahapon didto sa lungsod sa Minglanilla aron hisgutan ang ilang pagpangandam sa kalihokan sa Semana Santa karong semanaha.
Gipangulohan ni Cebu Provincial traffic management focal person Jonathan Tumulak ang tigom aron mapugngan ang gitawag og laing “Carmageddon” nga sama sa nahitabo niadtong Disyembre sa milabayng tuig.
Matod ni Tumulak nga buot niyang mahitab ang tigom uban sa mga traffic manager gikan sa mga dakyban sa Talisay, Naga ug Carcar kalungsuran sa Minglanilla ug San Fernando aron mangandam sila sa pagdaghan sa mga sakyanan atol sa Semana Santa.
Nitumbok siya og “synchronized traffic plan” ang buhaton sa mga traffic manager sa primero distrito aron husay ang pagbiyahe sa mga sakyanan paingon sa habagatang bahin sa Sugbo.
Nipadayag ang mga traffic manager sa ilang tinguha nga mokooperar sa usag usa apan adunay mga problema nga gikinahanglan nga sulbaron.
Naglakip kini sa limitado nga traffic personnel, kakuwang sa communication equipment ug ang presensiya sa mga gihimo sa tawo nga babag sama sa nagpadayon nga pagtrabaho sa karsada nga makatampo sa traffic og di kini kahatagan og kasulbaran sa labing daling panahon.
Si PO2 Edcel Ricablanca, kinsa mipresentar sa San Fernando’s traffic division, namahayag sa tigom nga kanunay silang gisaway nunot sa nagpadayon nga "road project" sa ilang lungsod nga maoy hinungdan sa problema sa traffic ilabi na niadtong paingon sa dakbayan sa Sugbo.
Isip tubag kang Ricablanca, si Tumulak nihangyo kang Digoy Villanueva, kinsa mirepresetnar kang Kong. Gerald Anthony “Samsam” Gullas atol sa tigom, nga estoryahonang Department of Public Works and Highways (DPWH) kabahin sa proyekto.
Ang mga traffic police sa primero distrito nangutana usab sa Land Transportation Office (LTO) kabahin sa estado sa ilang "deputations" diin magtugot kanila nga makaisyu og temporary operator’s permit (TOP) niadtong molapas sa balaod nga mga motorsita.
Si Bernard Jamorol sa LTO 7’s Operations Division nipadyag nga mangayo pa siyag pagpasabot gikan sa ilang rehiyonal nga buhatan sa estado sa ilang deputations.
Nipasalig si Villanueva kang Tumulak nga ilang kombinsihon nga ipadali ang proyekto o kaha ilang sultihan ang kontraktor nga mangita og paagi nga mapugngan ang traffic.
Samtang, ang moabot 40 ka traffic enforcer sa Minglanilla Traffic Command (Mitcom) mitapos sa ilang unom ka adlaaw nga Basic Traffic Enforcement course.
Ning pagtapos sa ilang
training kagahapon, ang Mitcom enformcers gikatakda nga ipakita ang ilang nakatonan atol sa Semana Santa diin ang Minglanilla mopahigayon sa daghang kalihokan may kalambigitan sa relihiyon ug kulturanhon nga aspeto ilabi na ang tinuig nga Sugat Kabanhawan Festival.
Si Francis Sanguenza, Mitcom acting operations head, namahayg nga pinagi sa ilang seminar iyang gimandoan ang iyang ginsakpan nga mohimo sa pagdakop sa mga motorista nga nagmaneho nga way lisensiya, mohimo sa pag-ali sa karsada ug magpasagad sa pagmaneho.
Bisan og makaisyo silag citation tickets, matod ni Sanguenza nga katong citation ticket nga di atimanon niadtong mga milapas sa balaod magpabilin kini nga makit-an sa ilang record sa LTO.