2 GIPAMUSIL, PATAY

EX-CON NASIKOP HUMAN PATYA ANG ‘NANABLA’ SA DRUGS

Duha ka mga tawo ang gipamusil patay niadtong Biyernes sa hapon sa managlahing mga lugar sa dakbayan sa Sugbo, usa niini natino nga may kalambigitan sa ilegal nga drugas.

Usa ka giingong ex-convict nga gikan sa Cebu City Jail nadakpan sa pagpatay sa usa ka tawo sa dan A. Lopez, Barangay Calamba niadtong Biyernes sa gabii.

Si Albert Caraballe, 46, nadakpan human niya giingong gipusil patay si Daryl Bercede, 22, kinsa naglakaw padung sa balay uban sa iyang ig-agaw mga alas 8 sa gabii.

“The suspect approached them and because of a personal conflict, he shot the victim on the nape,” matod ni SPO1 Winston Ybañez, homicide investigator.

Matod ni Ybañez nga si Caraballe nisakay og jeepney human sa pagpamusil.

Si Bercede daling gidala sa ospital diin siya gideklarar nga dead on arrival.

Ang Homicide Section sa Cebu City Police Office (CCPO) nakadakop kang Caraballe mga ala 1 sa hapon kagahapon sud sa balay sa giingong iyang uyab, matod ni Ybañez.

Nipasangil si Caraballe nga si Bercede wa mamahin sa iyang pahat sa ginansya sa pagpamaligyag shabu.

“He said that he was just a user but there’s a possibility that he was also a drug runner because of what he said,” dugang ni Ybañez.

Matod ni Ybañez nga si Caraballe bag-o lang nakagawas sa Cebu City Jail usa ka buwan ang nakalabay ug nabilangggo usab sa New Bilibid Prison sa Muntinlupa City tungod sa illegal drugs.

Usa ka kalibre .38 kalibreng revolver ang nasakmit gikan sa suspek.

Pasakaan si Caraballe og kasong murder.

Sa mga alas 3 sa hapon niadto gihapong Biyernes, gipusil patay ang 44-anyos nga lalaki sa wa pa mailhing mamumuno samtang naglakaw sa dalan sa Sitio Tuburan, barangay Punta Princesa, dakbayan sa Sugbo niadtong Biyernes.

Ang biktima giila sa kapulisan nga si Gilbert Alvarez, ulitawo, molupyo sa nahisgutang lugar.

Sigon sa inisyal nga imbestigasyon nga gihimo sa Homicide Section, parehong naglakaw sila si Alvarez ug suspek sa nahisgutang dapit ug kalit nga naglalis ang duha.

Pipila ka mga gutlo ang milabay, ang mamumuno kalit nga nihulbot sa wala pa matino nga kalibre sa armas ug gipusil si Alvarez sa makatulo ka mga higayon.

Ang suspek daling misibat. Si Alvarez nakaangkon og duha ka mga samad-pinusilan sa ulo ug dughan hinungdan sa iyang hinanaling kamatayon.

Ang lawas ni Alvarez kasamtangang nahimutang sa usa ka punerarya alang sa pag-autopsy. / JOB, Christine Joyce Secuya, Nova Leah Carbon, CNU Interns

/ TAMPO NI ROMEO MARANTAL DYRC ■NUBAIN NASAKMIT: Ang Cebu Port Police naka-intercept sa usa ka pasahero nga padung sa Tagbilaran City, Bohol nga nagdala og 79 ka ampules sa Nubain. Ang suspek giilang si Jose Katalbas, 49, kinsa taga Upper Katipunan st., Mansasa District, Tagbilaran....