Rampada sa Kadaugan sa Mactan Festival
Siguradong nangandam na ang tanan sa Rampada sa “Kadaugan sa Mactan Festival 2018.”
Mang-rampa ta matag-gabii sa pagsaksi sa nagkadaiyang kalingawan sa Liberty Shrine. Sa Hoops dome usab atong makita karong Abril 27 ang “Search for Reyna Bulakna” ug sa 28 ang “Rampada” ritual ug showdown.
Ang pinaka-highlight mao ang “re-enactment” sa Kadaugan sa Mactan. Nalipay ko nga usa ka lumad Bisaya ang midala karon sa Reyna Bulakna. Angayan kaayo si Dionne Monsanto sa maong papel.
Si Luis Alandy ang Magellan karong tuiga ug kon wa ko masayop nahimong Lapulapu na usab kini. Siguradong malipayon ang aktor kay duha sa mga importanteng papel sa kadaugan siya man ang napili nga moarti.
Ang model actor nga si Derick Hubalde nga nakita nato sa seryeng “La Luna Sangre” ang modala nga datu Lapulapu.
Mao nga magpanon tang tanan ug makig-rampada sa Kadaugan sa Mactan 2018, di vah Ms. Sunshine, ay’g saba!
Kapuso star Ryza Cenon Kapamilya na human kini nipirma og kontrata sa Dos. Nananghid og tarong ang aktres sa GMA network, diin maoy naglusad kaniya sa showbiz world.
Sa akong nahibaw-an desisyon kini sa Viva agency ug gusto sab ni Ryza nga ma-explore pa niya ang iyang talento ug makatrabaho usab ang mga Kapamilya artist.
Gawas nga may importanteng papel siya sa “FPJ’s Ang Probinsyano” makauban sab siya sa bag-ong teleserye nga “The General’s Daughter” isip unang proyekto ni Ryza sa Dos. Iyang makauban dinhi silang Angel Locsin, Maricel Soriano, Eula Valdez ug Janice de Belen.
Gikulbaan kuno ang Angel kay kon way mga kausaban mao kini ang ihulip sa top-rating seryeng “Ang Probinsyano” ni Coco Martin.
Balik primetime bida si Angel Locsin, kinsa gitawag nila karong “Queen of action-drama series”, ay’g saba!
May mga naglaum nga maguban sa usa ka proyekto sa Kapuso network silang John Estrada, Janice de Belen ug ang anak nilang si Inahang de Belen. Pero dili ni mahitabo kay balik-GMA na man si Janice de Belen. Si John ug Inah hinuon, posible pa, ug mao nay atong atngan, ay’g saba!