MGA INILOG PILDE

Mingbangon gikan sa 17 puntos nga pagkalubong ang hosts Indiana Pacers aron pakagingon ang Cleveland Cavaliers, 92-90, sa Game 3 nga naghatag kanila og 2-1 nga bintaha sa ilang

1st round playoffs series sa National Basketball Association

(NBA) kagahapon.

Gimugna ni Bojan Bogdanovic sa 2nd half ang 19 sa iyang playoff career-high nga 30 puntos aron pangulohan ang impresibong pagbangon sa Pacers samtang nitampo og 18 puntos si Victor Olapido.

Gawas sa iyang opensa, gi- dayeg sab si Bogdanovic sa iyang pagdepensa sa lider sa Cavaliers nga si LeBron James, nga maoy usa sa iyang obligasyon sa kinatibuk-ang duwa.

Apan bisan sa kahugot sa depensa ni Bogdanovic, si James nakamugna gihapon og double-double nga 28 puntos ug 12 rebounds.

Nakig-uban si James kang basketball legend Michael Jordan isip mao ra nga mga magduduwa nga nakabot og 100 ka double-doubles sa playoffs.

Sa hinapos nga bahin, duha ka mga higayon nga giagak ni James ang Cavaliers aron makabangon gikan sa pito ka mga puntos nga biya apan wala niya nakompleto ang iyang misyon.

“We were more aggressive in the first half. We had tempo, they didn’t,” asoy ni James. “Then they were more aggressive in the second half, they had tempo, and we didn’t.”

Sa Washington, nakatilaw na’g himaya ang hosts Wizards human nila nabawsan ang grabe ka inilog Toronto Raptors, 122-103, human sila nasugamak sa kapildihan sa nag-unang duha ka mga duwa sa ilang kaugalingong 1st round series.

Gipangulohan nila ni Bradley Beal ug John Wall ang bangis nga panimalos sa Wizards pinaagi sa ilang 28 puntos matag usa.

Ang Raptors gipangulohan ni DeMar DeRozan pinaagi sa iyang 23 puntos samtang niamot og 19 puntos si kyle Lowry.

Samtang sa Milwaukee, bangis sab nga gibawsan sa hosts Bucks ang Boston Celtics, 116-92, sa Game 3 human sila napilde sa nag-unang duha ka mga duwa sa ilang kaugalingong series.

Gipangulohan ni Khris Middleton pinaagi sa iyang 23 puntos, nihatag og 19 puntos si Giannis Antetokounmpo samtang nitunol og 17 puntos matag usa sila si Eric Bledsoe ug Jabari Parker.

/ AP PHOTO ■ 2-1: Mikuot sa pikas bahin sa board si Indiana Pacers guard Victor Oladipo (4) aron biyaan ang depensa ni Cleveland Cavaliers forward LeBron James ning aktuha sa usa sa mga aksyon sa NBA kagahapon. Ang Pacers ningdaog ning duwaa aron pagposte og 2-1...