Digong ug Pamuo sa Sugbo

Dinhi sa Syudad sa Sugbo atubangon ni Presidente Rodrigo Roa Duterte ang lain-laing mga isyu kabahin sa atong mga mamumuo karong Adlaw sa Pamuo.

Siya ang espesyal nga guest sa usa ka job fair nga gipahigayon sa Department of Labor (Dole).

Samtang kining maong kalihokan mohulagway nga daghan na ang mga bakanteng trabaho nga abli alang sa mga Sugboanon, ato sab nga mapaabot nga ipadayag sa mga kapunongan sa mga mamumuo ang pila ka mga isyo.

Pananglitan, atong nasayran nga pareho karon ang sentimento sa mga mamumuo ang isyo nga “endo” kon kining “end of contract” o kontraktwalisasyon gawas sa umento sa sweldo ug uban pa.

Nabalaka sab ako sa epekto sa pagsarado sa Boracay ug kining pagpapauli sa mga Pinoy OFW didto sa Kuwait.

Bisan pa man, naa gihapon kining mga tigsuporta ni Presidente Duterte nga atong gipaabot nga mopakita na sab karong buntag.

COLUROM

Dalaygon kining sunodsunod nga kalampusan sa LTFRB sa Rehiyon sa kampanya batok sa mga colurom nga mga bus. Lalim bay 34 ka nga colurom nga sakyanan ang ilang nalit-ag sugod sa tuig.

Syaro sab kining mga operator sa mga colurom nga mga van ug bus. Di sila makahinuktok nga lisud kining magsigi lang og tago o pahipi sa mga ilang sa mga yunit kay way undang ang mga dakop?

Bisan pa man, akong tan-aw nga kinahanglang pahingusgan sa laing ahensiya ang kampanya batok sa mga colurom.

Atong gipasabot mao ang Land Transportation Office (LTO) kay mas daghan man kini og mga opisina sa lain laing mga congressional districts.

Atong isugyot nga gawas sa mga deputized agencies sa LTO sama sa kapulisan ug sa HPG, mopahigayon sab og mga field work kining naa sa mga buhatan sa LTO sa lainlaing mga dapit.

MONORAIL

Nalipay nga nagbasa niining usa ka proyekto nga pag mass transport apan di mokompetensiya sa Bus Rapid Transit kun (BRT).

Tungod sa baruganan ni Presidential Assistant for Visayas nga si Mike Dino, daghan ang nagtuo nga kinahanglang mahunong ang BRT aron makatukod sila og LRT-Subway nga moabot og P155 bilyones nga gasto.

Ambot lang niining Dino nga sigi siyang pamugos niining LRT-Subway nga wa pa man diay feasibility study.

Iyang ipahunong ang BRT nga klaro na, dayon ilisan og saad nga hanap pas diyes panas.

Apan makadasig kay gikataho nga duna man diay mas barato nga proyekto nga

train gihapon ug mao kini ang monorail nga mo-complement mismo sa BRT. Dugang ta kining hisgutan karong Dominggo.