126 KA MGA BARANGAY, HOTSPOTS
Moabot na sa 126 ka mga barangay sa Central Visayas ang gideklarar sa Commission on Elections (Comelec) 7 ug sa Police Regional Office 7 nga hotspot tungod sa presensya sa armadong grupo ug ang init nga panagribal sa pulitika ning nagkaduol ang piniliay.
Unom niini sa probinsya sa Sugbo nga naglangkob sa barangay Putat, Carmelo, Mag-atubang, Sumon, Monte Alegre ug ang Gaang nga naa sa lungsod sa Tuburan.
Matod ni Atty. Lionel Marco Castillano nga wa nila madugangi ang girekomendar sa PNP ngadto sa Regional Joint Security Control Center meeting diin gibasihan ang posibling presensya sa armadong grupo lakip na ang mga insidente sa nangaging eleksyon.
Tungod niini, dugang pulis ug sundawo ang ipangbutang sa maong mga barangay.
Gikan sa election watchlist areas, (Ewas), ang Comelec miusab na niini ngadto sa hotspot lakip na ang number coding diin karon gihimo nang color coding aron dali ra nga masabtan sa tanan sama nanglabay nga eleksyon.
Upat ka color ang gihimong basehanan sa Comelec kini mao ang green nga nagpasabot nga linaw ang maong lugar.
Yellow, lugar nga dunay insidente sa milabayng eleksyon; orange kon adunay presensya sa mga armado; ug ang katapusan mao ang puwa, nga nagpasabot nga naa na ang tanan sa maong lugar.
“Mas malinaw siya, mas madaling maintindihan kasi color coding na siya. Pero wala pa tayong color red sa ngayon. Mayraon lang tayong orange at yellow,” matod ni Quenery.
Matod ni Comelec Provincial Election Supervisor Lionel Marco Castillano nga di makaapekto sa pagpatuman sa siguridad ang kalit nga paghulip sa katungdanan ni Sr. Supt. Edgar Alan Okubo bisan kon pipila na lang ka adlaw eleksyon na.
Apan iyang giangkon nga nakurat siya niini diin sa iyang tan-aw tulogkaron ang lakang sa Camp Crame.
“Syempre na surprise ko kay its not usual,” matod ni Castillano.