HABALHABAL DAKO OG NATABANG: CAINDEC

Alang kang Land Transportation Office (LTO) Regional Director Victor Caindec, bisan ilegal ang habalhabal isip pampublikong sakyanan, dako og natabang sa mga Sugboanon taliwa sa nagkagrabeng suliran sa trapiko.

Matod niya, ang habalhabal gitumbok nga suliran, apan duna pay mas dakong problema, nga mao ang kahimtang sa trapiko.

Si Caindec usa sa mga panelists sa labing unang Traffic Summit kauban nilang Japan International Cooperation Agency (JICA) consultant Lynn Madrona ug Land Transportation Franchising and Regulatory Board (LTFRB) Regional Director Ahmed Cuizon.

“Do you realize what it takes for a normal Cebuano today to get from his or her house to their workplace, or to their offices or to their school? Do not tell me nga imo siyang ingnon nga mata og alas singko para maabot kas imong opisina inig alas otso. What kind of life are we giving to people?,” nagkanayon si Caindec, kinsa nitataw nga personal kini niyang opinyon.

Nahisgotan sa summit ang operasyon sa mga habal-habal.

Sila si Madrona ug Cuizon niingon nga ang operasyon sa habal-habal ilegal base sa Republic Act 4136 Sec.7 ug ang kaluwas sa pagsakay niini di maseguro.

“Officially speaking, it is legal as what Director Ahmed have said. Logically speaking, it is unsafe. Now, the practical question, what other options are we going to offer to our countrymen?,” sigon niya.

Matod niya nga mamahimo ra untang dakpon ang mga habalhabal driver, apan ang iyang gitan-aw mao ang kahimtang sa mga tawo nga naggamit niini nga alternatibong pampublikong transportasyon nga makapadali sa iyang biyahe.

Samtang ang pangu sa Cebu Provincial Bus and Minibus Operators Cooperative, Julian Flores, nisugyot sa pagbutang og mas daghang drop-off terminals diin adto mosakay ug mokanaug ang mga pasahero aron malikayan ang pagkabara sa trapiko.

Matod ni Madrona nga kini nga sugyot moagi pa og pagtuki ug mga konsultasyon sa mga LGU.