Hugaw nga kampaniya
Ning halos usa ka semana nga kampaniya alang sa barangay ug Sangguniang Kabataan (SK) elections, atong nasaksihan ang kahugaw sa kampaniya sa pipila ka mga barangay sa dakbayan sa Sugbo. Ug kinsay nag-ingon nga ang barangay ug SK non-partisan? Pero ang nakanindot lang pod kay puro lang ataki sa baba dinhi sa ato. Dili sama sa ubang lugar nga bayolente.
Inay nga moya yag sa ilang mga plataporma de gobiyerno, ang ubang mga kandidato nangataki na personal sa ilang mga kaatbang. Black propaganda ug “below the belt” na nga mga isyo ang gipalutaw sa uban aron lang pagdaot sa ilang mga kaatbang. Ambot unsay makuha sa mga botante niini kon mao kini ang klase sa kampaniya. Pero ganahan man sab ang mga tawo. Kana bang “sabong” mentality sa mga Pilipino.
Unya ang okupante sa Cebu City Hall klaro nga nag-apil-apil sa kampaniya. Adunay mga flyers nga gipakatap nga negatibong nangampanya batok sa mga kapitan nga kaalyado sa Barug-PDP Laban. Sama diha sa Barangay Calamba. Ang re-electionist nga Kapitan Yvonne Cania Feliciano maoy sentro sa pagpanaot sa kaatbang nga matod pa binuhatan sa City Hall. Mga flyers ang gipakatap nga namasangil kang Kapitan Feliciano nga nangawkaw sa financial assistance gikan sa City Hall niadtong panahon ni Mayor Mike Rama.
Si Feliciano, matod pa, usa sa mga kapitan nga kaalyado sa oposisyon nga gikiha sa mayor gumikan kay wala maka-liquidate niadtong maong gahin nga mokabat ngadto sa P14 milyones. Dili ra ba tinuod kay naka-liquidate na si Kapitan Feliciano og partial sa maong kantidad. Pero gigastuhan sa taga Bando Osmena Pundok Kauswagan (BOPK) aron lang dauton. Busa kamo taga Calamba ayaw mo padala aning black propaganda.
Posible nga mao usab kini ang gihimo ngadto sa ubang mga barangay nga kaalyado sa oposisyon. Miangkon naman gani ang “kanhi laos nga pulitiko” nga iya kining binuhatan. Unya walay mahimo ang Commission on Elections ani? Daghan man gani dihang dayag nga violations sa mga kandidato nga wala ma-aksiyoni sa taga Comelec. Mao ni gi-ingon kanya-kanyang strate y lang. Pildeng maglagot.