Nganong importante ang silaw sa adlaw
Nagtubo ang tawo sud sa liboan ka katuigan ubos sa silaw ug kainit sa adlaw. Naanad na kita. Mao nga hayan di maayo magbutang kita og sunblock. Kay dunay mga sagol sa sunblock nga makadaut usab sa lawas. Gawas pa, ang sunblock mobabag sa pagmugna og Vitamin D sa atoang lawas, nga dunay maayong gamit: kaayuhan sa kabukogan anti-cancer
nagsuporta sa immune system
manalipod batok sa dementia ug pagkatiguwang sa utok mowagtang sa tambok mopaminos sa hubak mopalig-on sa ngipon
Niay 10 ka mga benepisyo nga makuha gikan sa silaw sa adlaw: 1. Ang silaw sa adlaw ug maayong pagkaon nakapugong sa breast cancer. Ang Amerikanhong doktor nga si Dr. Zane Kime naggamit sa sunbathing ug nutrisyon nga tambal sa iyang mga pasyente.
2. Ang silaw sa adlaw mopatay sa dautan nga mga bacteria. Napalgan kini ni Nobel Prize winner Niels Finsen.
3. Maayo ang silaw sa adlaw batok sa mga sakit sa panit sama sa psoriasis, acne, eczema ug fungal infections. 4. Mopaubos sa cholesterol.
Ang adlaw mo-convert sa high cholesterol sa dugo ngadto sa steroid hormones ug sex hormones nga atong gikinahanglan alang sa
reproduction.
5. Ang silaw sa adlaw mopaubos sa blood pressure. Bisan ang makadiyot nga pagpainit mopaminos sa blood pressure. 6. Manuhotsuhot ang silaw sa adlaw ngadto sa imong panit aron limpyuhan ang imong dugo ug kaugatan. Mga pagtuon nagpakita nga sa Europe mga tawo nga dunay atherosclerosis (pagpanggahi sa kaugatan) niarang-arang tungod sa pagbuwad sa adlaw. 7. Ang silaw sa adlaw mopadagan sa oxygen sa dugo sa tawo. 8. Palig-unon sa silaw sa adlaw ang immune system. Modaghan ang white blood cells sa pagpainit. Ang white
blood cells manalipod sa lawas gikan sa infections.
9. Ang regular nga pagpainit mopataas sa mga bata, labina mga masuso.
10. Ang silaw sa adlaw makaayo sa depression. Ang kakuwang sa silaw sa adlaw naghikaw kini kanato sa illumination sa kalikupan. Kon kini mahitabo, mosangko kini sa seasonal affective disorder, usa ka matang sa
depression. Komon kini sa bugnaw nga mga buwan ug niadtong mga nagtrabaho sa opisina. / mindbodygreen.com