SLAUGHTER MODUWA NA?
Mga duwa karon: (Alonte Sports Complex)
4:30 pm. - Phoenix vs. NLEX 7:00 pm. - Ginebra vs.
Blackwater
Human sugata og duha ka sunodsunod nga kapildihan sa bag-ong gisugdan nga PBA Commissioner’s Cup, ang Ginebra Kings posibling mopabalik na sa pagpaduwa sa Sugboanong higanti nga si Greg Slaughter sa dihang ilang ikasangka ang Blackwater sa main game karong gabii sa Alonte Sports Arena sa Binan, Laguna. Apan bisan naa o wala si Slaughter, pabiling inilog gihapon
ang Ginebra batok sa Blackwater kinsa wa pa usay daog sulod sa upat ka duwa. “There’s a possibility he might play Friday,” matod ni Ginebra coach Tim Cone.
“Obviously if he plays, he will be on minutes restriction. We won’t play him full minutes. And needless to say, we have to be
very careful with him,” dugang ni Cone nga nakutloan sa iyang pamahayag sa PBA.ph.
Ang presensiya ni Slaughter makadugang sa puwersa sa Ginebra kansang bag-ong import nga si Chuck Garcia wa pa makapakita sa iyang saktong katakos.
Ang Ginebra napukan sa Rain or Shine sa ilang unang duwa, 89-108, ug gipatapsingan usab kini sa TNT KaTropa Texters, 92-96.
Ang duwa karong gabii maoy mahimong barometro sa Kings kong angayan ba nilang ilisan ang ilang import ilabi na kay si Justin Brownlee nabakante na human magiyahi ang San Miguel Alab Pilipinas sa bagong natapos nga ABL.
Sa preliminary game nga sugdan sa alas 4:30 sa hapon, ang NLEX nga wala pa usab makatilaw og kadaugan sa unang tulo ka duwa niini, mosuway usab pagtimbakawas pinaaagi sa pagpakigsangka sa Phoenix Petroleum (2-1).