CELTICS-CAVALIERS FINALS REMATCH
Boston mitaktak sa Philadelphia sa Eastern Conference semis
Hingpit ug kulbahinam nga gitaktak sa Boston Celtics ang Philadelphia Sixers, 114112, sa Game 5 kagahapon sa Eastern Conference bestof-seven semifinals series sa National Basketball Association (NBA).
Ang go-ahead basket ni Jayson Tatum sa katapusang 22.5 segundos sa duwa maoy naghimong likuanan sa kadaugan sa Celtics nga sa samang higayon mitapos usab sa serya, 4-1.
Ikasangka sa Boston ang Cleveland Cavaliers nga gipangulohan ni LeBron James sa conference finals sa ikaduhang sunodsunod nga season.
Gitapos ni Tatum ang duwa nga may 25 puntos nga gisuportahan usab nila ni Jaylen Brown nga may 24 puntos, Terry Rozier nga midugang og 15 samtang 15 usab ang natampo ni Al Horford.
Sa niaging tuig, ang Cavaliers mipalagpot sa Celtics, 4-1, sa
conference finals. Apan niadtong higayona katimang pa ni James ug Cavaliers si Kyrie Irving kinsa anaa na karon sa Boston.
Hinuon dipa gyud makaduwa si Irving ning higayona tungod sa injury nga naangkon niini.
Naglabaw ang Boston, 111109, ug diha na unta ang kahigayonan nga makatabla ang Philadelphia sa katapusang 12.5 segundos apan nasipyat si Joel Embiid sa iyang layup nga gisundan og turnover.
Ang duha ka free throws ni Terry Rozier maoy nagbingat og balik sa labaw sa Celtics, 113-109, apan nahudlat kini sa dihang gitubag kini sa tres ni JJ Redick, 112-113, sa nahabiling 3.8 segundos.
Apan napasulod ni Marcus Smart ang usa sa iyang duha ka free throws nga maoy nagsilya sa ilang kadaugan.
Si Dario Saric nangulo sa Sixers nga may 27 puntos ug 10 ka rebounds samtang mitali si Embiid og 17 puntos ug 12 ka rebounds.
Gibiyaan ang Sixers og 12 puntos sa third quarter, apan nakasikit ug gani nakalabaw pa kini sa fourth nga naghatag og hudlat sa Celtics, 103-102, human sa tres ni Saric, 3:30 segundos ang nahabilin sa duwa.
Apan human niadto gilupig sila sa lahutay sa mga krusyal nga minutos.