LOOT NAHIMUOT SA `AMBUSH ME’ NGA ALEGASYON
Si Daanbantayan, Cebu Mayor Vicente Loot nikatawa lang sa mga pasangil nga “ambush me” ang nahitabong pagbanhig kaniya ug sa iyang pamilya niadtong Dominggo sa buntag sa Maya wharf, Barangay Maya, Daanbantayan amihanang Sugbo.
Matod sa mga alegasyon nga hayan gitumong kini ni Loot aron makakuha og simpatiya.
“Expected nato nako nga dili abtag one minute. The rule is 60 seconds while shock pa ang tanan and then withdraw. Hadlok man pod sila basig naay security forces sa palibot,” siya nagkanayon.
“They abide by the rule to shoot only sixty seconds or less,” siya niingon, naghulagway sa mga gunman nga duna nay experiencer.
Si Loot niingon nga ang una niyang gikabalak-an mao ang seguridad sa iyang pamilya kay nagpataka lang sa pagpangrakrak ang labing minos duha sa lima ka mga gunman.
“I feel so vulnerable because of my family,” siya niingon.
Ang Police Regional Office (PRO) 7 mipwesto na og duha ka mga pulis sa ilang balay sa Barangay Poblacion.
Matod ni Loot nga ang iyang underclass officers sa Armed Forces of the Philippines nisaad kaniya nga hatagan siya og “covert security.”
Matod sa retiradong police official nga matod sa iyang mga impormante, dunay giplanong “special ops” sa miaging buwan ug nagkahulogan nga dunay patyon. Ang iyang ngan wa sa listahan. “It maybe politics. Everything is always ‘special ops’ irregardless of who is the author. Dili ingon ana ka brazen kon dili mga professional,” siya nagkanayon.
Nihatag na siya og mga impormasyon sa mga imbestigador sa posibleng mga motibo nga nagpaluyo sa pagsuway og patay kaniya.
“I gave them the leads. I trust their capability,” siya niingon.
Gisultihan usab siya nga ang National Bureau of Investigation headquarters nagpahigayon og parallel investigation.
Si Loot niawhag sa mga awtoridad sa pag cross match sa 19 ka mga kabhang sa 5.56 nga mga bala sa M 16 armalite rifle.
Iyang asawa nga si kanhi Maria Luisa, kanhi Daanbantayan mayor, nagtuo nga si Presidente Rodrigo Duterte way labot sa hitabo.
Expected nato nako nga dili abtag one minute. The rule is 60 seconds while shock pa ang tanan and then withdraw. Hadlok man pod sila basig naay security forces sa palibot,”
Daanbantayan, Cebu Mayor Vicente Loot.