Cebu drug hot spot gihapon: Albayalde

Pangulo sa kapulisan lukop nasud Director General Oscar Albayalde nipahibawo nga hot spot gihapon ang Sugbo sa ilegal nga drugas ug di pa matawag nga drug cleared bisan sa sunod-sunod nga kampanya sa kapulisan.

Matod niya nga sa kadaghan sa nakuha nga drugas dinhi, di pa hingpit nga matawag ang Sugbo nga drug cleared.

Tungod niini, nimando pa siya sa iyang mga ginsakpan nga pahugtan ug hingusgan pa ang ilang gubat batok sa illegal nga drugas nga usa sa iyang programa nga gipatuman lukop nasud.

Niadtong miaging mga adlaw, dul-an sa P10 million nga balor sa drugas ang nasakmit sa Cebu City Police Office gikan sa mga drug pusher.

Gihangop hinuon niya ang pag deklarar sa pipila ka mga barangay sa Sugbo nga drug cleared apan matod niya nga wa kini magpasabot nga pasagdan nalang sa mga pulis ang maong barangay nga drug cleared.

Angay nga monitoron sa iyang mga sakop ang barangay aron dili na mobalik ang problema sa illegal drugs ug kon masuta nga aduna pay mogamit ibalik kini sa naandang status.

“Does not mean na kapag nag-declare ang isang province or isang lugar as drug free ay bibitawan na natin yan. There will be monitoring, but the time na napirmahan yan yung pagiging drug free nya, it doesn’t necessarily mean na forever nayan drug free,” matod ni Albayalde.

Gihimakak usab niya nga gipasagdan nila ang kaso nilang Mayor Vicente Loot ug Peter Lim nga pulos ginganlan ni Presidente Rodrigo Duterte nga nalambigit sa illegal drugs.

Matod niya nga ang special units sa kapulisan sama sa Drug Enforcement Unit mipalig-on sa ilang ebedensya dungan sa awhag nilang Loot ug Lim nga tubagon nalang nila ang aligasyon.