Uso ba karon sa girls ang short haircut?
MANILA- Daghan ang nakurat dihang kalit nagpamubo og buhok ang young actress nga si Jane Oineza. Pero may tumong si Jane tungod kay kinahanglan kini sa iyang role sa “Araw Gabi” isip kontrabida. Sa una medyo kiwaw tanawon si Jane sa bag-o niyang hairstyle pero samtang nagkadugay, medyo nibagay ra sa iyaha. Laing young actress nga nagpamubo og buhok (suhid kaayo ang buhok ni Jane) mao si Sue Ramirez.
Uso na ba jud karon ang short hair?
Hmmm... mao bang nagpa-mubo og buhok si Sue tungod sad sa role? Well, wala koy idea.
Pero kon dili sa role ug kon di sad tungod sa fashion, ang usa pa ka hinungdan ngano magpamubo og buhok ang usa ka babaye, tungod kay broken hearted.
Hmm... kinsa ba ang na-link kang Sue lately?
Kung wa ako masayop, ang miyembro sa BoybandPH nga si Joao Constancia.
Naku, si Joao pa eh audition pa lang sa Pinoy Boyband Superstar mukhang chickboy na siya. May pagka-badboy palibhasa nidako sa Macau.
Just asking, kung natumbok nako ang rason sa pagpamubo sa buhok ni Sue, pipila pa kaha ka babaye ang magpamubo sad? Hahaha!
Kadtong dili pa artista ang anak nila ni Maricel Laxa ug Anthony Pangilinan ug sa social media lang siya makita, daghan ang nag-convince nga unta sudlon ni Donny Pangilinan ang showbiz. Tutal parehong celebrity ang iyang mga ginikanan.
Hangtud sa naging artista na siya og may launching movie entitled “Walwal”, leading lady niya ang sikat sad sa social media nga si Kisses Delavin.
Millennial term ang “Walwal” nga ang buot ipasabot, inuman, tagay-tagay. Although sa Bisaya, may word na nga “walwal” nga ang meaning bogo.
May kanta nga ang title, “Kung may alak may balak.” May eksena kaha kabahin ani?
Sa June 27 na ang showing sa maong lilas nationwide. Aside from Donny and Kisses, kauban sad dinhi sila si Jerome Ponce, Jane de Leon, Devon Seron, ug Sophia Senoron sa direksiyon ni Jose Javier Reyes.