2 One Fil-foreign policy sa MPBL gibarugan ni Pacquiao

Wala na maglaom si Gilas Pilipinas coach Chot Reyes nga makaporma og kompletong puwersa alang sa third window sa 2019 Fiba World Cup Asian qualifiers.

Wala na sab maglaom si Reyes nga makapahigayon og matag adlaw nga praktis sa dili pa sila mogikan paingon sa Chinese-Taipei alang sa premiro nilang tahas sa kompetisyon.

“Wala na. Tinanggal ko na sa isip ko ‘yang preparation eh. That’s a dream. We’ve taken the word ‘preparation’ out of our vocabulary,” matod ni Reyes sa interbyu sa Spin.ph.

Ang Gilas molarga paingon sa Taiwan karong Hunyo 25 ug matod ni Reyes, niini pa lang higayuna sila makapraktis matag adlaw.

Ang nakaapan lang kay mohamag na sila sa aktuwal nga kompetisyon karong Hulyo 29 batok sa Chinese Taipei.

“When we get to Taipei, that’s the first practice we’ll have as a full team. We’ll have daily, meaning four days, practices before we face Chinese Taipei,” pasabot ni Reyes.

Gawas nga dili kompleto, matag Lunes ra sab nagpraktis ang Gilas dinhi sa Pilipinas.

Si naturalized player Andray Blatche niabot sa nasod niadtong Sabado apan wala gihapon klaro ang preparasyon sa Gilas gumikan kay kanunayng dili kompleto ang ilang puwersa.

Sayod si Reyes nga wala na siya’y kapilian kon dili ang pagpahimulos sa kon unsa’y naa sa ilang puwersa.

Human sa ilang pag-asdang sa Chinese-Taipei, ang Gilas mo-host sa Australia Boomers karong Hulyo 2 sa Philippine Arena sa Bocaue, Bulacan.

Naka-qualify na man tuod daan ang Gilas alang sa 2nd round sa qualifiers human sila nakarehistro og 3-1 nga rekord sa nag-unang duha ka windows apan kinahanglan gihapon nilang modaog ning mga sangkaa aron makakuha og mas maayong posisyon. Way plano si Manny Pacquiao nga ilibkas ang balaod sa MPBL nga nagtugot lang nga makakuha og usa ka Fil-foreigner ang matag team nga sobra sa 6-4 ang gitas-on. Matod ni Pacquiao nga dili siya gusto nga matabunan ang talento sa mga pure Pinoy ning gikagubtan nga lega sa nasod karon. Iyang gipasabot nga dili kini usa balaod nga nag discriminate kon dili paghatag og kahigayonan sa mga pure nga Pinoy athletes ilabi na kadtong mga homegrown talents.