GESTA MILABNI SA WBO NABO TITLE

Naangkon ni Filipino USbased boxer Mercito Gesta ang bakanteng World Boxing Organization (WBO) North American Boxing Organization (NABO) lightweight title pinaagi sa majority deicison nga kadaugan batok kang Mexican Robert Manzanarez kagahapon sa Fantasy Springs Casino sa Indio, California.

Duha ka judges ang parehong nipatik og 95-94 sa ilang scorecards pabor sa lumad nga taga Mandaue City samtang ang usa mitabla sa away.

Si Gesta, 30, misaka sa 32-22, 16KOs nga rekord samtang si Manzanarez midakin-as sa 36-2, 29KOs nga baraha.

“It feels great. It feels good especially winning this title. I fought a tough opponent,” matod ni Gesta sa interbyu sa ABS-CBN News.

“I was shocked that one judge made it draw. But it’s okay. I won. I got the belt and I’m happy.”

Si Gesta ubos sa paggiya sa bantugang American trainer nga si Freddie Roach, kinsa kanhi trainer ni Filipino boxing icon Manny Pacquiao.

Sa wala pa ang away, pabuhagay nang daan ni Roach nga kinahanglang modaog si Gesta ning maong tahas kon tinguha niining mopadayon

sa pag-away.

“He gotta be as hungry as his opponent. If he wants to continue in this sport, he needs to win here. This a final part of his career,” asoy pa ni Roach.

“He wins, he goes on. He doesn’t, it’s over. So we’re in a must-win situation and he knows that and he’s doing everything possible to make that happen.” Si Gesta gikan sa unanimous decision nga kapildihan batok kang Jorge Linares sa Valenzuela sa ilang World Boxing Association (WBA) lightweigtht title fight niadtong Enero.