Van nabantayan na sa mga saksi sayo sa buntag

Tulo ka mga anggulo ang gitan-aw sa Cordova Police Station kalabot sa kamatayon sa Filipino-Chinese businessman Gary Go niadtong Martes sa buntag.

Si Go gi-ambush sa tulo ka mga tawo nga nagsakay og usa ka van hinungdan sa iyang hinanaling kamatayon.

Matod pa ni Inspector Jose Ruel Nalzaro nga ilang gitanaw ang pagkalambigit ni Go sa illegal drug trade, negosyo nga construction ingon man ang personal nga anggulo.

Gipasubay sab sa Cordova Police ang nakuha nga temporary plate number (BOO – 982) niadtong gray van nga maoy gisakyan sa mga gunman kon adunay tawo o tag-iya nga mosibo sa maong plate number ilabi na nga gidudahan kini nga peke.

Base sa inisiyal nga inpormasyon sa kapulisan nga adunay nakabantay sa van duol sa dapit sukad pa nianang kaadlawon sa wa pa ang krimen nga ingon sa adunay gipaabot.

Kadtong bag nga nasalib-ay ■ GISUSI: Mga pulis misusi ning identification (ID) card nga nakuha kang Gary Go, kinsa gi-ambush niadtong Martes sa buntag. pa sa bukton sa biktima nga abli na ug way sud , gitug-an sa livein partner ni Go nga mao toy gisudlan sa iro nga dad-on alang sa grooming appointment.

Gikataho nga usa sa mga negosyo ni Go mao ang pag-buy and sell og high breed nga mga iro.

Si Go magbalik-balik sa lungsod sa Cordova diin nagpuyo ang iyang live-in partner ug aduna silay usa ka tuig nga anak.

Sa nahibaw-an ni Nalzaro nga naka-angkon og temporaryong kagawasan si Go human madakpi sa Quezon City niadtong Hunyo 2015, diin nakuhaan siya ug ang iyang kapuyo og 45 kilo nga shabu atol sa buy-bust operation.

WA MAHIBAWO

Ang Philippine National Police (PNP) napakyas sa pagpasabot nganong si Go gawasnon bisan nakuhaan og 45 ka kilong shabu niadtong Hunyo 27, 2015 sa buy bust sa Quezon City.

Gipangutana nganong si Go wa mapriso human sa 2015 drug bust, si Quezon City Police director Chief Superintendent Joselito Esquivel niingon nga ang status sa kaso gisusi pa didto sa prosecutor’s office.

“Inaalam ko pa kung bakit na-release,” matod ni Esquivel sa text message.

Dihang gikuhaag komentaryo ning butanga, si PNP spokesperson Senior Superintendent Benigno Durana ni-refer niini ngadto sa Esquivel.

Ang Police Regional Office (PRO) 7 ug Cebu Provincial Police Office (CPPO) nagsusi na sab niini.