Giya sa Oplan Tambay

Nunot niining implementasyon sa Oplan Tambay, ang kapulisan ning dakyaban mopatuman sa mga local ordinances aron mamahimong hapsay ug malinawon ang komunidad. Walay balaod lokal o nasudnong kabahin sa mo-estambay o maglaroy-laroy sa kagabhion gumikan kay giwagtang naman ang vagrancy sa atong Revised Penal Code.

Ang mga ordinansa nga ipatuman sa kapulisan mao kining mosunod; anti-noise ordinance sama anang mga magkaraoke o videoke sa publikong lugar. Kutob ra sila sa 10 sa gabii. City Ordinance 1786 o Curfew hours sa mga menor de edad gikan sa alas 10 sa gabii hangtod sa alas 4 sa kadlawon. Ikiha ug multahan ang mga ginikanan sa fourth offense kon magpadayon magpabaya sa ilang kabataan.

City Ordinance 1413 o Drinking liquor close to schools and hospitals. Gidili usab ang paghatag og ilimnon nga makahubog sa mga bata. City Ordinance in public places (CO 1929). Multahan ang mga nasakpan nga mag-inum-inum sa public places sama sa kalsada, alleys, plazas and parks. Usa ka libo ka pesos ang multa o tulo ka buwan pagkabilanggo. Depende sa hukom sa korte.

City Ordinance 2108 o anti-dispatching of passengers for public utility vehicles. City Ordinance 801 (Cebu City Traffic Code) nagdili sa skating sa mga kalsada. City Ordinance 1361 pagpangluwa, pangihi, paglabay og nga basura, paghugaw-hugaw sa ilang mga palibot, pagpamilit og mga posters. Ang multa sa thirs offense, P5,000 o priso unom ka buwan. City Ordinance 1895 o smoking outside designated areas. Nagdili kini aa pagpanigarilyo sa mga entertaintment centers, educational and learning centers, government of icers, places of worship, government health centers.

Unya kay wala may ordinansa batok aning mga maghukas, awhagon lang ang nga masita nga magsul-ob og sinina o ba kaha hatagan og sinina sa pulis. So, klaro og tataw kaayo nga dili dayon dakpon og prisohon ang mga masita sama aa nahitabo ni Genesis Agoncillo didto sa kauluhan nga napatay sulod sa prisohan human dakpa kay naghukas.