'Wa'y kwarta, wa'y away'
Nagsugod na og kabalaka ang kampo ni World Boxing Association (WBA) welterweight champion Lucas Matthysse gumikan kay hangtod karon, wala pa’y klaro ang kabahin sa pinansyal nga aspeto sa away nila ni Filipino boxing icon Manny Pacquiao karong Hulyo 15 sa Kuala Lumpur, Malaysia.
Nagkanayon ang trainer ni Matthysse nga si Joel Diaz nga dili sila mobiyahe kon dili nila madawat ang ilang premyo sa dili pa ang away.
“My worry is, if the money is not there, we are not traveling because we are not gonna go fight for free,” matod ni Joel Diaz nga napatik sa www. abs-cbnnews.com.
Nagkanayon si Diaz nga kon dili madayon ang away, hayan posibleng moretiro na lang si Matthysse.
Gipasabot ni Diaz nga ning puntoha, bugtong ang Pambansang Kamao sa Pilipinas lang ang gustong kontrahon sa iyang batos.
“If this thing won’t come true, he (Matthysse) will retire,” pagtino ni Diaz.
Hinuon, padayon ra nga nag-training si Matthysse ug iya lang gitugyan nsa iyang team management ang pagpakigsabot kabahin sa pinansyal nga aspeto.
“The last thing I wanna do is get Lucas away from his focus,” ani Diaz.
Nidugang si Diaz nga wala pa sab sila’y nakitang commercial sa TV sa Amerika hinungdan nga nisamot ang ilang kabalaka nga dili madayon ang away.
“Up to this day I have not seen commercials on ESPN of the fight, no promotions, nothing,” pasabot ni Diaz.
Matod ni Diaz nga nagpadala na sila og mensahe kabahin niini ngadto sa kampo ni Pacquiao.
“We know we are dealing with professionals, so that’s the reason we keep training,” asoy ni Diaz.
“It’s not a distraction to us, you know, all my respects for Manny and he’s putting in the work to make this happen, it will happen.”