900 na ka mga balay, tangkal o sa baboy gidemolis sa Lapu Libreng TB exam
Niabot na ngadto sa 900 ka mga lawak sa mga balay paabangan ug 125 ka mga tangkal sa baboy ang hingpit nang nademolis sa Lapu-Lapu City government nga nahimutang sa barangay Ibo ug Pusok.
Gitug-an ni Mayor Paz Radaza nga 600 ka mga lawak sa balay paabangan ug 100 ka alad sa baboy ang nagu- ba sa barangay Ibo, samtang sa nagpadayon nga demolition sa Pusok aduna nay 300 ka illegal structures ug 25 ka tangkal sa baboy ang gipangguba.
Sa higayon nga mahingpit na ang demolition sa duha ka mga barangay isunod ang Barangay Mactan o Buaya nga nahimutan sab sa coastal area nga milapas sa 3-meter easement gikan sa baybayon.
Gipahibawo sa Mayor nga padayon sab nilang gipasusi pinaagi sa water sampling ang dagat diin naglumbay ang mga dagkong estabilisemento sa dakbayan.
Ang lakang sa mayor gihimo human nasuta nga kontaminado ang kadagatan sa dapit subay sa taho sa Environmental Management Bureau (EMB) 7.
Dakbayan sa Talisay adunay bag-ong makinarya nga modetek ug mga nagkadaiyang balatian sa tao ilabi na sa sakit nga tuberculosis.
Ang maong kahimanan gitawag nga Machine Expert ug anaa kini mahimutang sa Rural Health Unit (RHU-1) sa Barangay Poblacion, dakbayan sa Talisay.
Matud ni Doctor Rey Bautista, pangulo sa maong buhatan nga kon adto sa pribado nga tambalanan ang pagdetek sa uberculosis, mahal apan sa Talisay, libre ra kini.
“Dako kaayo ug deperensya adto ka sa gawas..,” matod ni Bautista.
Dugang niya nga maihap sa kamot ang local government units nga dunay kaugalingung Machine Expert tungod sa kamahal nini.