Osmeña wa mabalaka pag-recall 2 ka escorts
Wala mabalaka si Mayor Tomas Osmeña sa gihimong lakang sa Police Regional Office (PRO7) pag-recall sa mga police escort sa mga mayor sa Sugbo.
Si Osmeña adunay duha ka mga pulis nga nagsilbi niyang bodyguards sa iyang mga opisyal nga lakaw isip mayor.
Ang mayor niingon nga wala siyay pagsupak sa lakang nga gihimo ni PCSupt Debold Sinas, direktor sa Police Regional Office (PRO) 7 kon ang maong paagi maoy makapalambo sa kahapsay ug kalinaw sa dakbayan ug sa tibuok Sugbo.
Gipadayag niya nga dihang nasuspenso ang mga opisyal sa Barangay Ermita, iyang giboluntaryo ang iyang kanhi close-in security nga bagohay lang gilubong nga si anhing SPO1 Adonis Dumpit aron maoy mopatuman sa
peace and order sa lugar Apan iyang gipikhan ang bag-ong direktor sa Central Visayas may labot iyang kamanduan hilabi na nga duha na ka mayor ug usa ka bise mayor didto sa Luzon ang gipatay.
“I would like to ask the RD (Debold Sinas) after the mayors are killed, will he return the escorts?” padayag ni Osmeña nga nagtumbok sa mga ulahing sa pagpamusil sa mga lokal nga opisyal.
Ang mayor wala nibutyag nga sa pagkawala sa iyang duha ka police escorts kinsa mobalik na sa ilang mother unit mokuha ba siya o dili og
private security aron adunay mohulip sa pwesto sa mga pulis nga moabag sa pagbantay sa iyang seguridad..
Samtang, si Gobernador Hilario Davide III wala sab mabalaka sanglit mayoriya sa mga mayor sa lalawigan sa Sugbo pulos walay police escort.