TALK TO PAPA JOE

Gustong magminyo

Dear Papa Joe,

Kumusta, Tawga lang ko og Emily, 29 years old, single, dunay stable nga trabaho.

At the age of 29, still single lang gihapon ko. Nahadlok na ko kay hapit na ko molapas sa kalendaryo pero wala gihapon ko maminyo. Lisod na ra bang manganak ang dako nag edad.

Duna man unta koy boyfriend, sukad niadtong college pa mi, pero until now wala gyud siya nag-propose. Wala gani ko sure ug duna ba gyud ni plano nga magpakasal. Duna siyay trabaho pero dili kaayo dako og sweldo, kon sungogon siya sa among mga kaila nga magpakasal na, motubag siya og ‘magtigom sa kuno siya.

Dugay na kaayo niyang tinigom, ug ambot kon duna ba gyud siyay natigom kaha nga permi ra man siyang way kwarta. Ang akong problema kay duna koy na meet nga foreigner, medyo edaran na siya, pero ni propose na dayon siyag kasal nako, wala niagig panguyab, diretso hagad og kasal. Buotan kaayo siya ug gwapo sab nga pagka foreigner.

Ganahan baya ko niya, pero mas love nako akong boyfriend, naglibog kaayo ko unsaon nako pag decide. Please tambagi ko.

Emily

Dear Emily,

Maayo siguro nimong buhaton nga be honest to your boyfriend. Pag heart to heart talk mo ug pangutan-a siyag duna ba gyud siyay plano nga pakaslan ka. Kon duna man gani, kanus-a man?.

Ug kon paminaw nimo hanap ang imong boyfriend nga magpakasal nimo, tell him the truth nga dunay lalakeng intresado nimo ug willing mopakasal ora mismo. Sa ingon niana basin ma challenge siya sa possibilities nga pwedeng mawala ka niya.

As for your foreigner boyfriend, ilha usa siya before ka mo commit. Dili na ra ba kakompyansahan ang ubang mga nationalities karon, daghan pod scam karong panahona, ayaw dayon og salig. Pero kon ma prove nimo nga okay siya, ikaw ra gyud ang maka desisyon niana.

Papa Joe