PBA PLAYOFFS SUGDAN
Mga duwa karon 4:30 pm- Talk N’ Text batok San Miguel 7:00 pm- Alaska batok Ginebra
Pulos kulbahinam nga mga sangka ang gilaumang masaksihan karong adlawa sa pagsugod sa quarter-finals sa Philippine Basketball Association (PBA) Commissioner’s Cup sa Araneta Coliseum.
Sa premirong duwa, ang Talk N’ Text KaTropa mosagubang og grabe kalisod nga tahas sa ilang pagpakigharong sa defending champions San Miguel Beermen samtang magsangka sa main game ang Alaska Aces batok Brgy. Ginebra Gin Kings.
Ang KaTropa ninghuman sa elimination round dala ang 8-3 nga rekord nga nagpahiluna kanila sa No.3 samtang ang Beermen nagbawon og 6-5 nga nagduot kanila sa No.6.
Mas taas og posisyon ang KaTropa apan wala kini nagpasabot nga sila maoy inilog.
Gani sa premirong panagharong sa duha ka mga kampo, gipangbuntog sa Beermen ang KaTropa, 99-94.
Ang usa sa mga pambato sa KaTropa nga si Terrence Romeo nagpanikad na ning kombatiha hilabi na kay mao pa lang kini ang ikaduhang higayon nga makaduwa siya sa quarter-finals.
Duhang nagduwa pa si Romeo sa GlobalPort Batang Pier, kausa ra nakasulod sa quarter-finals ang team.
Sa laing parisan, ang Bolts ninghuman sa elimination round dala ang 7-4 nga rekord nga nagpahimutang kanila sa No.4 unya anaa sa No.5 ang Gin Kings bawon ang 6-5 nga rekord.