PACQUIAO 100%
Siyento porsiyento nang andam si Filipino boxing icon Manny Pacquiao alang sa pag
challenge niini kang World Boxing Association (WBA)
welterweight king Lucas Matthysse karong Hulyo 15 sa Malaysia, matod sa trainer niining si Buboy Fernandez.
Nagkanayon si Fernandez nga mismong ang Pambansang Kamao sa Pilipinas kuntento sa resulta sa pagbansaybansay niini sa labing unang higayon sulod sa dugayng nang panahon nga wala si American traine Freddie Roach.
Ning awaya, si Fernandez maoy head trainer sa kanhi 8-division world champion. “Siya mismo nagsasabi na happy siya sa training camp ngayon. Lalong lalo na sa buong
team dahil parehong Pilipino. Si Coach Justin [Fortune] naman, ‘yung cooperation niya bilang conditioning coach. Kumbaga nanumbalik ‘yung sigla sa buong team dahil bawat isa sa amin nagtutulungan eh,” matod ni Fernandez sa interbyu sa www.gmanews.tv.
Gipasabot ni Fernandez nga sa tibuok nilang training camp, nagdugang siya og usa ka adlaw nga dayoff aron dili masobrahan
sa kahago ang fighting senator. “Nag-ano lang tayo konti ng day off. Nagdagdag tayo isa. Kasi tinitingnan namin, ‘yung isang araw niya na day off niya medyo kulang pa ata ng konti kasi ‘pag alam mo naman ang senador natin, ‘pag nag-training, talagang sagaran. So nagdagdag kami ng isa,” pasabot ni Fernandez.
Giklaro ni Fernandez nga ning paagiha, nakakita siya og maayong epekto ug makita kini sa linihukan ni Pacquiao sa matag training.
Ning puntoha, paingon nang mogaan ang training ni Pacquiao ug dili na kini mohamag sa sparring session hangtod na sa gikatakdang petsa.
Sama ni Pacquiao, nahuman na sab ang sparring sessions ni Matthysse niadtong Sabado.
Ang trainer ni Matthysse nga si Joel Diaz nipadayag nga 100 percent na sab nga andam ang iyang batos alang sa labing dakong away niini.
Ang away libre nga isalida sa GMA 7 sugod sa alas 10:00 sa buntag hangtod alas 3:00 sa hapon. Aduna kini replay sa alas 10:00 sa gabii.