SIM nga anaa sa langgam gigamit sa pagtawag

Adunay panultihon nga ang langgam nga “stork” mohatod sa ilang mga bata ngadto sa ilang inahan apan lahi ang gihatag niini ngadto sa wildlife charity kay grabe kadako nga bayranan sa mobile phone.

Sa taho sa Metro News, ang Polish environmental group nga EcoLogic nangita sa putting langgam nga stork nga gihinganlan og Kajtka pinaagi sa tracker sa tinguha nga ilang masuta ang pagbalhinbalhin niini.

Ilang nasuta nga ang rota sa pagbalhin Kajtka sa winter padung kini sa Africa apan nag-andam kini inig balik sa spring apan sa paglupad niini sa 3,700 milyas ngadto sa Blue Nile Valley, Sudan nahanaw na ang kontak niini.

Ang EcoLogic nitug-an sa Super Express nga adunay mihilabot sa “tracker” sa langgam ug nibutang sa SIM card niini sa lain nga mobile phone una kini mitawag og 20 ka oras.

Karon ang charity gipahibawo nga gikinahanglan sila nga mobayad og 10,000 polish zloty sa paggamit niini.

Nasuta nga adunay nihimog importante nga tawag ug di buot nga kini maoy makabayad.

Ang pagbutang og SIM sa langgam naghatag og importante nga papel sa research ug conservation sa mga environmentalist sa mga “migratory birds” ug ang data gikan sa GPS trackers magamit aron katabangan ang mga scientist sa pagsuta sa gawi, batasan ug hulga sa mga langgam.

Ang mga puti nga stork di sila risgo apan ang industriyalisayon ug paghubas sa mga basa nga lapok daw nihinay na silag kawala mga 50 ka tugi ang nakalabay.