WWF Phils, ICAAC: ‘Pagpangluto nga dunay katuyoan’
Ang World Wide Fund for Nature (WWF) - Philippines uban ang International Culinary Arts Academy of Cebu (ICAAC) mituki mahitungod sa hisgotanang “Cooking with a Purpose” sa ilang proyekto nga ginganlan og “The Sustainable Diner: A Key Ingredient For Sustainable Tourism.”
Ang proyekto kabahin sa pag-edukar sa mga tawo nga sa ilang matag kaon importante nga mahinumdom nga dili mag-usik sa mga pagkaon.
Dugang pa, mosagop sa sistema sa malahutayong pagpahimos sa pagkaon alang sab sa umaabot nga mga henerasyon.
Kita, ingon nga hilig mopalit og mokaon, gidapit sa pagluto sa atong kaugalingong pagkaon gamit ang lokal nga mga sagol nga gikan sa mga lokal nga merkado.
Usa sa mga nahimong kabahin sa maong kawsa mao si Celebrity Chef Mike 'Tatong' Sarthou.
“Food is a part of our social activity. Food has been an integral part of the family and basically, it’s a basic need for us. Dining-out and food is a Filipino thing. When we say sustainable dining it’s a people-friendly dining. It’s defined by a set of consumer practices with an environmental sensitivity when dining. You can be sustainable when you are eating local healthy food and patronizing sustainable..." matod ni Melody N. Melo-Rijk, Project Manager sa The Sustainable Diner ubos sa WWF-Philippines.
Ang linutoan sa mga Pinoy ug ang mga lokal nga kan-anan nahimung mahinundanong pag-ila sa pagtubo sa industriya sa turismo sa nasod ug tibuok kalibutan.
Susama sa panag-uban sa mga nagkalainlaing organisasyon, ang WWF-Philippines mituo nga mahimo nga makatabang kini sa pagpaubos sa pag-usik sa pagkaon, paglambo sa ekonomiya ug turismo, ug pagpanalipod sa kinaiyahan sa kinatibuk-an.
Giila usab ang proyekto sa mga siyudad sa nasod nga usa sa mga nag-una nga destinasyon sa turismo sama sa siyudad sa Quezon ug siyudad sa Tagaytay. Gialuman nga mosagop usab ang uban.