Stephenson nagpanikad na

Human sa iyang opisyal nga pagpirma og kontrata sa Los Angeles Lakers, ang beteranong si Lance Stephenson misaysay kon nganong nakadesisyon siyang moduwa sa team – tungod ni LeBron James.

Gipasabot ni Stephenson nga dihang gitawagan siya ni James aron danihon nga makig-uban siya sa four-time MVP, wala siya magmakuli sa paghatag sa iyang tando.

Kahinumdoman nga sa nangaging katuigan, naila sa si Stephenson nga maoy kanunay magdepensa kang James sa mga higayon nga magtagbo ang ilang tagsatagsa ka puwersa.

Ning higayuna, makalikay na si Stephenson ning maong malisod nga tahas ug mga kontra na sa gikonsiderar nga hari sa basketball ang iyang guwardiyahan.

Si Stephenson kauban sila si center JaVale McGee ug second-round draft pick Svi Mykhailiuk opisyal nang mipirma og kontrata sa Lakers kagahapon.

Nagbalor og $4.5 million sulod sa usa ka tuig ang gipirmahan ni Stephenson aron lang makig-uban kang James.

Sila si James, Stephenson, McGee ug Rajon Rondo ang mga bateranong mogiya sa batan-ong puwersa sa Lakers.

“I was actually surprised he made the move to LA,” matod ni Stephenson kabahin sa pagbalhin ni James sa Lakers.

“I guess he needed a new look, and I just feel like him reaching out and showing he likes what I bring to the game, it’s amazing."

Mas nibaniog ang panagparang nila ni Stephenson ug James niadtong 2014 Eastfinals diin nagduwa pa si Stephenson sa Indiana Pacers samtang si James sa Miami Heat.

Lakip sa dili malimtan nga gibuhat ni Stephenson mao ang pagtayhop sa dunggan ni James nga nakapalagot og maayo sa naulahi.

“It’s actually funny that I’m actually on the same team as him,” dugang ni Stephenson.

“I’m very excited to see what that brings. Just playing with him, one of the best players in the game, I can’t wait to get on board with him and have a fun season this year.”