4 KA PULIS NEGATIVE SA GUN POWDER
Nagnegatibo sa gun powder ang mga kamot sa upat ka mga pulis sa Carbon police station human sa gihimong paraffin tests.
Bisan pa niini, magpadayon ang imbestigasyon.
Ang upat maoy ninglusad sa
anti drug operations sa sitio Bato, Barangay Ermita, siyudad sa Sugbo niadtong Martes sa hapon nga niresulta sa kamatayon sa 4 anyos nga lalake nga si Bladen Skyler Abatayo.
Ang upat ka mga pulis nipaubos sa paraffin test sa PNP Crime Laboratory niadtong Huwebes sa hapon tulo ka adlaw human sa insidente sa pagkapusil sa bata isip kabahin sa gihimong imbestigasyon sa Police Regional Office 7.
Apan matod ni Chief Superintendent Debold Sinas, director sa Police Regional Office 7, nga bisan nagnegatibo ang upat ka mga pulis sa gun powder residue ang mga kamot sa upat ka mga pulis, magpadayon gihapon ang himuon nga imbestigasyon.
Ang Camp Crame nga gipahibawo nga nag negatibo sa paraffin test sa gipasanginlang mga pulis, nipahibawo nga di gihapon mohunong ang mga imbestigador sa pagsusi kon unsa ang tinud-anay nga nahitabo.
“While the four DEU (Drug Enforcement Unit) operatives were reportedly found negative in paraffin tests, we still could not totally discount their responsibility to the death pf Skyler pending the final outcome of the investigation,” pamahayag sa buhatan sa Public Information Office (PIO) sa Camp Crame.
GIPARELIBUHAN
Nimando na usab si PNP Director General Oscar Albayalde kang Sinas nga parelibohan ang upat ka mga pulis ug ibalhin sa Personnel Holding and Accounting Unit sa PRO-7.
Lakip sa iyang mando mao ang pagpa-surrender sa ilang mga service firearms sa PNP Crime Lab ug sa Soco aron mapaubos a ballistic examination.
Ang Regional Internal Affairs Service (IAS-7)mao na ang nag hupot sa imbestigasyon aron kalikayan ang pagduda nga tabunan ra ang kaso sa mga pulis.
Mipadangat og pahasubo si Albayalde sa pamilyang Abatayo nunot sa kamatayon sa ilang 4 anyos nga anak dungan sa pasalig nga kon mamatud-an nga sad-an ang iyang mga
sakop, dili siya magduhaduha sa pagpasaka niinig kaso.
“The PNP will not hesitate to file any appropriate administrative or criminal charges if culpability by any of our personnel has been established after a thorough investigation by the PNP-IAS7,” tipik sa pamahayag ni Albayalde.
Ang hepe sa Carbon police station Senior Inspector John Kareen Escober nitug-an nga human siya gibahibawo sa Personnel Division sa PRO-7 nga parelibohan na ang upat niya ka mga sakop, iya dayon kining gituman. /