2 PATAY, 4 ANGOLGISUSPENSO
SA BANGGA SA TRAYSIKOL, MINI BUS; PRANGKISA GISUSPENSO
Duha ang patay ug upat ang angol sa aksidente sa kadalanan tali sa mini bus ug
tricycle kagahapon sa buntag sa national highway sa Barangay Magay, lungsod sa Compostela, amihanang Sugbo.
Tungod sa mao nga hitabo, ang mga prangkisa sa duha ka mga bus gipangsuspenso sa Land Transportation Franchising and Regulatory Board (LTFRB). Gideklarar na nga dead-on-arrival sila si Mary Grace Tale, hamtung, taga Sitio Guiwanon, Compostela, ug Ej Rose Halipa, 25-anyos, dalaga, taga Barangay Estaca, Compostela Cebu.
Nahitabo ang maong aksidente alas 5:50 sa kaadlawon kagahapon.
Naangol sa aksidente sila si Michael Francisco, 28, drayber sa traysikol; Evangeline Davidon, hingkod; Wila Flor Mollena, 24; ug Siera Mae Moreno, 21, taga Cotcot, Consolacion.
Ang imbestigador sa disgrasya nga si SPO1 Arthur Ariate sa Compostela Traffic Commission, nagkanayon nga nagbiyahe ang traysikol nga gimaneho ni Francisco paingon sa dakbayan sa Danao.
Samtang ang mini bus nga gimaneho ni Ricardo Rivera Jr (FHX 849) ug Juan Davidon, (070106) anaa sa pikas nga lane.
Kalit lang nga ni-overtake si Rivera kang Davidon hinungdan nga nibangga kini sa traysikol.
Dugang ni Ariate nga tungod sa impact sa bangga, nalagpot ang mga biktima ug ang duha nga namatay, nalatayan pa kini sa mini bus.
Gibutyag ni Ariate nga ang mga pasahero nga babaye padulong mo-duty sa usa ka dakong kompaniya sa export sa Danao.
Gitanggong karon sa prisohan ang duha ka driver sa mini bus.
Nasayran nga gikan sa lungsod sa Borbon ang mini bus nga gidala ni Rivera, samtang gikan sa Carmen ang mini bus nga gimaneho ni Davidon.
Didto na nitahan si Rivera sa Danao, kinsa nisakay og habal-habal aron di siya makulatahan sa crime scene.
Gibutyag ni Rivera nga aksidente ang maong panghitabo ug nangayo siya og pasaylo sa mga pamilya sa nakalas.
Samtang si Land Transportation Office (LTO) 7 director Victor Caindec nagkanayon nga anaa na sa local government unit (LGU) kon tugutan niini pagpadagan ang mga trisikol sa national highway.
Dugang niya anaa sa LGU ang katungod nga modakop niini.
GISUSPENSO
Gibutyag ni Ahmed Cuizon,
regional director sa LTFRB 7, nga moisyu sila og show-cause
order ugma sa mga operator sa duha ka mga mini bus ug patubagon sila sa hearing kon nganong dili angayan nga kanselahon ang ilang mga prangkisa.
Matod sa director, ipaubos usab sa drug testing ug road
safety seminar sa LTO 7 ang mga drayber sa mga mini bus nga naaksidente.
“Meanwhile, I have asked the insurance companies to extend financial assistance to the victims and their families,” pahibawo ni Cuizon sa Superbalita Cebu kagahapon. /