■BEST OF CEBU.

Ang Best of Cebu sa Sunstar nisaulog sa iyang ikalima ka tuig niadtong Biyernes sa gabii pinaagi sa usa ka party sa Waterfront Cebu City Hotel and Casino.

Ang by-invitation-only event, nga gipresentar sa Organique ug AirAsia, ningdani sa mga bisita gikan sa nagkadaiyang mga dapit sa Metro Cebu kinsa nipuno sa Pacific Grand Ballroom sa Waterfront, venue partner sa Best of Cebu.

Kapin sa 60 sa labing maayo nga mga produkto ug brands gikan sa selection sa 2017 ningbutang sa ilang booth sa venue, samtang ang party goers gidalitan sa nagkadaiyang mga pagkaon, ilimnon, lifestyle products ug services.

Uban sa tema nga“Pop Culture of Cebu,” usa ka grand mural ang gi-display sa venue nga gitumong sa paghulagway sa diwa sa Queen City ug sa iyang katawhan.

Ang artwork maoy resulta sa panaghugpong tali sa Best of Cebu ug mga estudyante sa Southwestern University Phinma’s School of Design + Communications. Samtang nagpadayon ang party, dunay live music gikan sa local performers ug special prizes ang gi-raffle sa tibuok gabii. Dunay grand slam winners sa Best of Cebu.

Ang 10 Grand Slam winners mao angCrimson Resort & Spa (Best Resort, Best Resort Hotel), Ibiza Beach Club at Movenpick Resort (Best Outdoor Dining Experience), Feria at Radisson Blu Cebu (Best Dinner Buffet, Best Buffet and Best Premium

Buffet), Isla Sugbo Seafood Restaurant (Best Seafood Restaurant), Rustan’s Fresh (Best Gourmet Supermarket), Everything Yummy (Best Pork Chop), Shabu-Shabu Red Taiwan (Best Shabu-Shabu), Yoga Hub (Best Yoga Place), Mooshi (Best Juice Bar), ug Big Toto (Best Gadget Repair Shop).

“Consistency is key. A brand or product must maintain over the years the same level of excellence and value for money that clients or customers have come to love and know. Coming up with a great product is one thing. Keeping that product great is another,” matod ni SunStar Weekend Best of Cebu editor Noel Villaflor kon unsaon pagdaug sa usa ka brand sa Best of Cebu Grand Slam title. / Luis A. Quebranza III sa Sunstar Cebu

/TAMPO NI JACOB CASILE Mga bisita sa Best of Cebu sa Sunstar nagkalingaw sa pagtilaw ug pagtan-aw sa mga produkto ug serbisyo atol sa party nga gipahigayon niadtong Biyernes sa gabii sa Waterfront Cebu City Hotel. Kini gipresentar sa Organique ug Air Asia. Napulo ang Grand Slam winners.

/ ARNI ACLAO ■ BEST OF CEBU 2017: Mga bisita nagkalingaw sa pagtilaw sa mga pagkaon nga gipang-display sa mga exhibitor sa Sunstar’s Best of Cebu.