Koordinasyon mahinungdanon
Dako'g matampo ang koordinasyon sa dakbayan ug barangay aron nga paspas ang pagpaabot sa serbisyo sa katawhan.
Kini maoy gipahimug-atan ni Lapu-Lapu City Mayor Paz Radaza ngadto sa bag-ong napiling mga opisyal sa barangay sa dakbayan.
“Mao nang nagkatigum kita aron ipaabot namo kaninyo ang mga serbisyo, mga tahas nga nagkinahanglan og koordinasyon ug pagtambabayong sa barangay ug sa siyudad,” ni Radaza ngadto sa mga opisyal sa iyang keynote speech sa City-Barangay Partnership didto sa Gaisano Mactan Island Convention Center niadtong Huwebes.
Sa kalihukan, adunay resource speakers kinsa niyagyag sa nagkadaiyang functions sa natad sa peace and order, kalikupan, panglawas, youth development programs, financial housekeeping ug uban pa nga nagkinahanglan og partisipasyon sa mga barangay. Gipahinumduman ni Radaza ang mga opisyal nga sila napili tungod sa suporta ug pagsalig sa katawhan kanila ug isip balos, angayan kining suklian pinaagi sa maayo nga pagserbisyo.
“As elected officials, we are directed to make sure that the programs and projects we implements are geared towards the betterment of our people,” ni Radaza.
Dugang sa mayor nga bisan sa panerbisyo, daghang mga kakulian ug tahas nga angayang labangon sa mga opsiyal. Sigon ni Radaza nga isip
frontliners sa pagpanerbisyo sa katawhan, nagkinahanglan ang dakbayan og kooperasyon sa mga barangay.
“Dili namo mapaabot ang mga serbisyo gikan dinhi sa siyudad kung wala ang inyong suporta ug kooperasyon. We should be partners for positive change, for our people, for our barangay and for the entire City of LapuLapu,” hangyo ni Radaza mga mga opsiyal. / JPP, Ma. Devorah Taneo - USJ-R Comm Intern