MGA LIBRONG MAKAMATAY NAPALGAN
Nakaplagan sa library sa University of Southern Denmark (USD) ang tulo ka
volume sa mga libro nga giingong makamatay sa tawo nga mobasa niini.
Ang maong mga libro nga wa pay titulo ang gibuhat niadtong 16th ug 17th centuries.
Aduna kini lainlaing topics diin ang makagunit ug makabasa gikataho nga mamatay.
Sa report sa Sky News, nasayran nga aksidente ang pagkadiskobri sa mga libro nga makamatay.
Nahitabo kini dihang ang mga researcher nisuway og basa sa Latin nga texts sa mga libro, apan naglisod sila gumikan kay bug-at ang layer niini nga color green nga nag-ali sa mga letra.
Sa pagtuon sa green pigments, nadiskobrihan nga kini may presensiya sa arsenic nga usa ka klase sa kemikal, usa sa labing delikado sa tibuok kalibotan. Si Kaare Lund Rasmussen,
associate professor sa USD, nisulti sa Fox News, nga dihang gibutang nila ang X-ray beam sa green surface sa libro, ilang nakita ang taas nga presensiya sa arsenic.
Ang mga researcher nagtuo nga hayan kini maoy makaingon nga mamatay ang tawo kon mobasa sa mga libro.
Sila nagtuo nga nigamit ang mga bookbinder og arsenic isip proteksyon batok sa mga insekto aron dili dali maguba o makitkit ang mga libro.
Aron paglikay sa disgrasya, gilahi og butang ang mga libro. Matag usa, gisud og cardboard box ug gimarkahan og safety labels ug gisud sa cabinet. Tinguha sa tunghaan nga i-digitize ang matag libro aron dili na kinahanglan mohikap ang mga researcher sa higayon nga sila mogamit niini. /