Pag-uswag sa ELEKSYON gisupak
Kon si Speaker Alvarez maoy matuman, gusto niya nga sa 2022 nalang ipahigayon ang sunod nga piniliay inay sunod tuig aron makatutok ang mga senador ug kongresista sa pagsuwat ug pagtuki sa Batakang Balaod ngadto na sa Pederalismo.
Dili jud ko musugot nga iuswag nasad ang election karon umaabot nga May 2019. Ako reason aron mailisan nasad nang nanglingkod karon nga mga opisyal nga corrupt. Ato tagaan og chance ang uban nga tawo nga gusto moalagad sa katawhan.
- CrisYam Arante
Di ko mouyon anang plano ni Alvarez kay daghan nga naas posisyon ron nga angay na jud ilisan kay inay motabang paglapambo sa atong pang-gobyerno nagdala man hinuon silag gubot, mga hakog kaayug posisyon.
- Galagar M Prescila
Dili ko uyon nga I-extend pa kay panahon naman gud na nga makapili ta og usab sa mga tarong ug angay ibutang sa pwesto nga maka tabang natong mga kabus. Kon i-extend pa og 3 years, ang mga abusado sa position magpahimulos na sila pag ayo. - Mackie Trangia
Kon unsa ang naandan mao ang tumanon. Kini silang gusto magpa extend sa termino, mahadlok ni makasuhan kung dili na makadaug sa piniliay kay puro kurakot. walay laing nahibaw-an, patay ra gyud na pay palaliton karon pwerting mahala. Appey Booc
Uyon ko pero supak mani sa Batakang Balaod sa 1987, artikulo 10 section 8 diin ang elected local government official gi-tugyanan lang og 3 ka termino ug 3 katuig sa matag termino gawas lang sa barangay official diin ang maong termino gitugyan lang sa balaod, Artikulo 6, siksyon 4 na ang mga senador aduna lamay duha ka termino ug unom katuig sa matag termino.
- Tata Bargamento Barde
Supak uy nimal baya ani, inyo man sigehon usab ang balaod siyempre mouyon gyud nang mga politiko diha kay madugangan gud ilang termino pagputo uy Pantaleon Alvarez. - Acell Manz
Uswag?! Wa mo kuyapi, hadlok mo mapildi? Kaluod ninyo noh dako kaayo mong supak mga congressman sa “term extension” ni PRRD beyond 2022 pero uyon kaayo mo sa inyong term extension.
- Shane Ceniza
Para nako dapat idungan nalang na tanan elections para ma usa ra ang gasto sa gobyerno. Kahasol anang sige og election unya magkontra nasad managsilingan. Usbon nalang na ang balaod kon pwede kay bilyon ang gastuson dakong project na man na mahimo.
- Dennis Baclaan