DOS NA SI JULIAN
Premature dihang nahimugso si Kurt Julian Kowalik niadtong Hunyo 24, 2016.
Asoy sa iyang 36 anyos nga inahan nga si Katrina Kowalik nga kuwang og unom ka semana si Julian dihang natawo sa Bantayan District Hospital sa isla sa Bantayan.
Apan gidali kini og dala sa Cebu Doctors’ Hospital sa siyudad sa Sugbo tungod kay naghangak dihang nahimugso.
Bisan kon kuwang og buwan, makita si Julian nga usa ka bibo ug lagsik nga bata kinsa gihulagway sa iyang inahan nga independent na sa iyang pangidaron. Hilig niini ang mosayaw ug kini ang gikahimut-an sa mga miyembro sa ilang pamilya.
Gipaambit ni Katrina nga hilabihan ang ilang kalipay sa iyang bana nga si Marcin Kowalik, usa ka Polish national, dihang nahibaw-an nila nga siya nagsabak.
Siya niangkon nga ganahan unta siya og anak nga babaye kay pulos mga lalake ang kinamaguwangan ug ikaduha niyang mga anak sila si- Joshua ug Jethro.
“Pero bisan lalake gihapon ang ikatulo, Julian is worth it,” paambit ni Katrina sa Superbalita Cebu, kinsa nilihi kang Julian sa lansones. Niadtong Hunyo 24, 2018, gisaulog ni Julian ang iyang ikaduhang birthday pinaagi sa
party nga giandam sa iyang pamilya sa Ogtong Cave, lungsod sa Sta. Fe, Bantayan Island.
Matod ni Katrina nga wa giplano ang birthday party kay ang ilang orihinal nga plano kay cake lang ang andamon ug way balloons.
Siya nisaysay nga nasayop og paburot og balloons ang
staff sa iyang igsuon nga babaye kay inay pang bunyag nga maoy gi-order, pang birthday ang napaburot niini. “Ako nalang gibayaran ang balloons para ma-save ang staff sa ako igsuon,” dugang ni Katrina.
Hulagway ni Pennywise ang makita sa cake ni Julian kay maoy ganahan niini.