Mga sakyanan nga dili awtorisado magwangwang dakpon
Hatagan og 15 ka adlaw sa Land Transportation Office (LTO) 7 ang tanang local government units
(LGUs) nga mosumiter sa ilang lista sa mga sakyanan nga angay butangan og wangwang ug police/ambulance top lights.
Niadtong Huwebes, gisugdan na pagpanghatag sa LTO 7 ang memorandum ni regional director Victor Caindec, ngadto sa local chief executives aron pagpahibawo nga subay
kini sa lakang sa Presidential Decree 96.
“Declaring unlawful the use of attachment of sirens, bells, horns, whistles, or other similar gadget that emit exceptionally loud or startling sounds, including domelights and ther signalling or flashing devices on motor vehicles,” tipik sa PD 96. Apan wala’y labot niini ang mga sakyanan nga iya sa Armed Forces of the Philippines (AFP), National Bureau
of Investigation (NBI), LTO, Philippine National Police (PNP), Bureau of Fire Protection (BFP), Bureau of Jail Management and Penelogy (BJMP), hospital ambulances, ug sakyanan nga
sakop sa disaster.
Dugang ni Caindec nga mao ni ang nasabutan nila atol sa
oversight committee meeting sa Police Regional Office 7 niadtong Miyerkules.
Hinuon, giklaro niini nga magsugod ang 15 ka adlaw
atol sa pagdawat nila sa memorandum, ug didto na ilista ang mga sakyanan nga angay magpabilin ang wang-wang ug ang top lights.
Usa sa nakita nga illegal sa
LTO 7 kining paggamit og top light sa barangay police vehicles o sa tanod.
Inig kuha sa lista sa LTO 7 diha na nila kini inspeksyunon, hatagan og approval ug i-tag. They have to declare, cause we have to evaluate,” dugang pamahayag ni Caindec.