DENR, MGB miila sa Taiheiyo sa responsible nga pagmina
Gihatag sa Department of Environment and Natural Resources (DENR) sa tunga-tungang Kabisay-an ang 2018 Gawad Tugas sa Taiheiyo Cement Philippines, Inc. (TCPI) tungod sa responsibleng pagmina sa ginaling nga mga minerales.
Uban sa Mines and Geosciences Bureau (MGB), gitanyag kini sa DENR-7 ngadto sa TCPI agi og pag-ila sa pagpakita ug pagpasundayag sa kabag-ohan, pagkamamugnaon ug pagpamuhunan sa pagpanalipod sa kalikupan, pagtipig ug pagdumala.”
Gitunol ni DENR-7 director Gilbert C. Gonzales ang tropeyo kang Kazuhiko Ichizawa, pangulo sa TCPI, uban ni MGB-7 OIC director Armando L. Malicse ug Emma E. Melana, luyoluyong direktor alang sa management services.
Miuban kang Ichizawa silang Romeo M. Gebilaguin, tagduma sa TCPI environment and safety division (ESD), ug sa iyang luyo-luyo nga si Dwight P. Avila sa pagdawat sa pag-ila atol sa ika-4 nga paghatag sa Gawad Tugas ni’ng bag-o pa lang didto sa Grand Convention Center, ni’ng dakbayan.
Nitak-op kini sa pagsaulog sa 2018 Philippine Environment Month kansang kalihukan laglakip sa pagpananom og mga kahoy sa buffer zone sa TCPI kilid sa planta niini didto sa San Fernando nga gisalmotan sa mga kawani sa nagkalainlaing mga ahensya sa kagamhanan ug sa media.
Naangkon sa TCPI ang pag-ila human nakadawat sab sa miaging tuig sa susamang parangal ang Solid Earth Development Corp. (SEDC), nga tighatodan niini og mga minerales, alang sab sa responsibleng pag-mina sa kinubkob nga kategoriya atol sa ika-3 nga Gawad Tugas Awards.
“Dako kayo ni’ng kadungganan ug kalipay alang kanato. Tiunay ko’ng gimanggad ang matag adlaw ninyo nga pakigbisog ug paningkamot,” mipadayag si Ichizawa sa iyang mensahe ngadto sa mga kawani sa TCPI ug SEDC.
Gihimug-atan niya nga labing ang walay negatibo nga epekto sa kinaiyahan sa tanan, giawhag sa bag-o lang natuboy nga CEO sa TCPI ang mga kawani nga ipadayon ang mga pagpalambo palihug.
Gipasalamatan sab sa ESD sa kompanya ang labaw’ng tagduma sa walay pu-as nga pagpaluyo ug pasalig nga makunhod ang abot sa abog, kinutlo ang gipuhunan niini nga napahimutang ang moderno ug gatosan ka milyones pesos nga baghouse.
Giila sab niini ang production department sa paghatag sa gikinahanglang kasayuran atol sa pagkabig gikan sa electrostatic precipitator (EP) ug pagdisenyo sa baghouse. Gidayeg sab niini ang maintenance and engineering division sa pagpatuman sa baghouse
project gikan sa pagmugna ug pagpahimutang hangtud sa pagsugod sa operasyon nga walay panahong nasayang tungod sa kakulian.
“Sa atong pagpadayon sa pagpanukod og mas maayo pang mga komunidad, mohaom sa prinsipyo sa TCPI," smato ni Avila. ■ GAWAD TUGAS: Gidawat ni Kazuhiko Ichizawa (tunga, nagkupot sa tropeyo), pangulo sa TCPI, ang 2018 Gawad Tugas Award alang sa responsibleng pagmina sa ginaling nga mga minerales uban nila ni ESD manager Romeo M. Gebilaguin (walang tunga) ug section head Dwight P. Avila (ika-2 gikan sa wala). Gitunol ni DENR-7 director Gilbert C. Gonzales (ika-2 gikan sa tuo) ang pag-ila pagka-Hunyo 27 didto sa Grand Convention Center uban sa iyang luyo-luyo alangsa management services nga si Emma E. Melana (pinakawala) ug MGB-7 OIC director Armando L. Malicse (layong tuo).