Buhaton aron osteoporosis malikayan

Ang osteoporosis usa ka sakit nga mahitabo kon ang lawas matibhangan og maayo sa bukog, gamay ra ang mahimo nga bukog o ang duha. Dinhi sa Pilipinas, sa populasyon nga nag-edad og 60 pataas, 6-7 porsyento ang natala nga naa ning sakita.

Unsa may imong buhaton aron imong malikayan o mabaliktad kini: 1. Likayi ang softdrinks

Ang carbonated beverages sama sa soft drinks, champagne ug sparkling water mosuyop sa calcium gikan sa imong kabukogan. 2. Minosi ang protina

Kon masobraan ka sa protina mosaka ang acidity sa lawas, nga maoy makaingon nga mawagtang ang calcium pinaagi sa pagpangihi. 3. Ipabilin ang acid sa tiyan

Daghang mga tawo nga moinom og mga tambal nga mopugong sa acid sa tiyan. Apan ang acid sa tiyan mahinungdanon sa pagsuyop sa minerals sama sa calcium, magnesium ug zinc. Kon pugngan ang stomach acid, mopataas kini sa risgo sa osteoporosis. 4.Minosi ang caffeine

Matag tasa sa kape nga imong giinom motibhang og 150 mg. sa calcium nga ibanlas sa imong ihi. 5. Inom sa hustong calcium.

Ang calcium hydroxyapatite ug calcium citrate maoy labing maayong matang sa calcium. 6. Pagbulad sa adlaw

Ang vitamin D makatabang sa maayong pagsuyop sa lawas sa calcium. Ibutang niini ang calcium ngadto sa kabukogan. 7. Ipahiling ang imong hormone

Ang pagminos sa hormone usa sa mga komon nga rason sa pagminos sa bukog human

sa menopause sa mga babaye. 8. Usba ang diet

Ang nanobrang sugar ug starch, mopasaka sa level sa imong insulin ug mosamot ang osteoporosis. 9. Paminosi ang stress

Ang stress mopasaka sa level sa cortisol. Kon dugay ang pagtaas sa level sa cortisol, mosangko

kini paggamay sa kabukogan. 10. Pag-exercise og maayo

Kon ang imong muscle palihukon batok sa kabukogan atol sa exercise, mosulti kini sa mga bukog nga sila gikinahanglan. Ang paglakaw, hiking, pagsaka ug weightlifting mopasaka sa kabag-on sa kabukogan.